خلافات وتكسير وشهرة.. عصام صاصا في تصريحات جريئة
تصدر المطرب عصام صاصا التريند ، بعدما ظهر مع الإعلامية أميرة بدر في برنامج "أسرار" المذاع عبر فضائية “النهار” ، وكشف خلال حديثه تفاصيل خلافه مع زوجته "أكتر شئ يعصبني هو أني أقاوح شخص فى الكلام وهو وأنا مقتنعيين أننا صح ، وأنا ومراتي واحنا بنتخانق بكسر الحاجات الخفيفة فى البيت".
عصام صاصا يصدم الجماهير حول هانى شاكر
واما عن نقيب المهن الموسيقية فقال "عمري في حياتي ما روحت النقابة وشوفت هاني شاكر ولو حتى بالصدفة ، وأنا كنت بروح كتير ، هو ده الفرق أما مسك أستاذ مصطفي كامل، أول شيء قام به، إنه جمعنا كلنا" ، مضيفًا "مصطفى كامل بيسمعنا كلنا ، وكان بيقول ما جايز العيال دي كويسة ، وقعد معانا وعملنا اجتماع".
تفوق صاصا على عمرو دياب ومحمد رمضان
وقال المطرب عصام صاصا أنه تفوق على عمرو دياب ومحمد رمضان " لما أرقامي على اليوتيوب والمنصات عدت عمرو دياب ومحمد رمضان متغرتش ولكن انبسطت" ، مؤكدًا " عمري في حياتي ما حسيت ولا أعرف أنا ناجح قد إيه ، مدير أعمالي معاذ إللي قالي إن أرقامي عدت عمرو دياب ومحمد رمضان، ودخلت شفت الفيديو، الموضوع كان عادي، و بكسب من الفيديوهات على اليوتيوب، اللي بيقولك مش بيكسب يبقى بيضحك عليكي، أنا بكسب ولكن مش اللي في خيال الناس".
عصام صاصا لا يسأل عن ارباحه
وعلى صعيد آخر ، علق صاصا على مكاسبه الشخصية وقال : " الناس فاكرة إني بكسب مليارات مفيش الكلام ده ، أنا عمر ما سألت أغنية ليا جايبه كام، أنا متعاون مع شركة تبع اليوتيوب حافظة حقوقي ، واتشرف أعمل دويتو مع محمد رمضان هو أكيد تعب في حياته بجد علشان كدة في اللي هوفيه ده،أنا لو مكانه أو أي حد هيبقى مكانه هيبقى كدة".
انا موجود اكتر من ويجز
وتطرق صاصا خلال حديثه إلى من الأكثر جماهيرية هو أم ويجز وقال: " أنا موجود في الشارع أكترمن ويجز، ذلك لأنه بيعمل أغنية كل شهرين أو البوم ، لكن أنا ممكن في الشهر أعمل 10 أغاني، وبحبله أغنية البخت".
صاصا يوضح سبب اغلاقه اغنية عمر كمال وحمو بيكا
أما عن تفاصيل خلافه مع عمر كمال أقر صاصا " كنت مضايق منه بسبب أني سجلت معاه أغنيتين، واتفقنا أن كل واحد هيأخد أغنيه عنده، أنا نزلت الأغنية بتاعتي ، وبعد ما عمر كمال نزل الأغنية عنده اكتشفت أن صوتي اتشال من الأغنية وحمو بيكا صوته اللي دخل فيها ، والأغنية نزلت بصوت عمر كمال وحمو بيكا، ولكن قفلت الأغنية على اليوتيوب أنا مش بسيب حقي".
رد عصام صاصا على محمود العسيلى حول عدم معرفته به
اما عن محمود العسيلي ردًا على جملة بأنه لا يعرف اسم المطرب الذي حقق أرقام عالية عبر موقع اليوتيوب، تحدث "مزعلتش منه ولكن مفرقش معايا، أنت المفروض حد كبير وليك قيمتك متتكلمش مع حد متعرفوش ، وهو أكيد عارف أسمي لأن قبل ما يطلع في البرنامج بيومين، حسن شاكوش كان عنده حفلة والعسيلي كان قاعد وشاكوش كنا كل واحد في طربيزة، وشاكوش رحب بيا وبيه، أكيد يعني عرف أننا فنانيين زي بعض".
اقرأ ايضًا
عصام صاصا: معرفش أن صوتي حلو غير من القرآن ومكنش في نيتي أغني
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
