محمد سامي: محمد رمضان متصنف فتوة الشعبيين ومفيش جعفر العمدة 2 ومى عمر تعبت في نعمة الأفوكاتو
كشف المخرج محمد سامي عن سر نجاحه الدائم مع الفنان محمد رمضان وسبب حبه له والعمل معه.
وقال سامي خلال استضافته ببرنامج"اسرار" مع الاعلامية اميرة بدر، المذاع على قناة النهار: "محمد رمضان ممثل مهم وموهبة مهمة، ولكن مهما كان فهو في احتياج لفريق، عمل قوي حواليه ومخرج قوي، هو عنده كاريزما لكن مش مسئول عن كل العناصر".
محمد سامى يتحدث عن كواليس عمله مع غادة عبد الرازق
واضاف محمد سامي: "اشتغلت مع غادة عبد الرازق، وأحمد السقا وتامر حسني، لكن شغل محمد رمضان كان نجاح استثنائي، وده بسبب ان كيميتنا راكبة اوي مع بعض، وبنفهم بعض بالاشارة".
واستطرد محمد سامي قائلًا: "محمد رمضان طيب ومش بيفكر ينجح مع حد غيري، عشان يثبت حاجة معينة لانه مش بالشر ده، وهو نجم مبالغ في نجوميته وهو عارف انه ناجح دايماً".
محمد سامي يكشف رأيه في محمد رمضان
وأضاف محمد سامي قائلًا: "محمد رمضان متصنف فتوة الشعبيين لان فريد شوقي فضل كده طول عمره، وانا ضد تغيير جلد الفنانيين، لان احمد زكي فيه حاجات مصدقتوش فيها وانا اقل من اني اقيمه، لكن الاستاذ عادل امام هو الانجح ع الاطلاق، وهو البهجة والانبساط ووظف نفسه حلو وعمل كل حاجة".
كما أضاف محمد سامي عن عمل جزء تاني لجعفر العمدة قائلًا: "جعفر العمدة مالوش الا جزء، فكرة الجزء التاني فكرة المنتج محمد السعدي وكنا رافضينها انا ورمضان وكتبت منه 17 حلقة محبتوش، لأن ليه اعيد اجزاء وتكرار لما ممكن اعمل حاجة تاني وانجح بيها".
محمد سامي: مي عمر صاحبة الفضل في التحضير لنعمة الأفوكاتو
وعلق المخرج محمد سامي على انتقادات دعمه المستمر وحبه لزوجته مي عمر، وعمله معها، وخاصة مسلسلها الذي يعرض الآن خلال شهر رمضان وهو "نعمة الأفوكاتو".
وقال محمد سامي: “مي بتخلي حياتي مستقرة، وبتدعمني جداً عشان انجح، وهي صديقتي صاحبة الرأي الصادق”.
وتابع محمد سامي عن مسلسل نعمة الأفوكاتو والتي تقوم ببطولته زوجته مي عم قائلًا: “ نعمة الأفوكاتو من احسن المسلسلات اللي أنا عملتها، وانا كتبت المسلسل وعرضته عليها وهي صاحبة اضافة ان نعمة تكون من الطبقة الاجتماعية دي، ومي بتاكل غيرنا لانها مينفعش تزيد جرام فالطبيعي، لكن في المسلسل لقيتها بتاكل عيش ومربى وحاجات غريبة عشان تتخن، وتقولي، نعمة عايزة كده لانها من مشغوليتها مش مهتمة بجسمها، وبعد، ما خلصنا قلبت، البيت چيم ورجعت تاني للرياضة واتغيرت خلال 3 اسابيع
محمد سامي: عندي فيلم عالمي وهاخد الاوسكار
وتحدث المخرج محمد سامي على مقارنته بالمخرج الكبير يوسف شاهين، وان الاخير هو الأنجح ولكن ليس المفضل بالنسبة له.
وقال محمد سامي : "يوسف شاهين جزء من التراث وهو انجح مني ومش اكتر مخرج بحبه، ومقارنتنا بالتراث ظلم لينا وتقليل منهم".
وتابع عن نجاحه في السينما ومقارنته، بنجوم الزمن القديم قائلًا: "لو قبل العالم ان يصنع اساطير هنبقى، زي زمان، وانا ناجح دراميا ومستني اعمل كده في السينما"
واضاف سامي في حديثه عن اعماله الجديدة قائلًا: "عندي، أفلام احسن بس بخاف ونفسي معملش اعمال تجارية، وبشتغل على فيلم كونغولي، ومعايا حقوق القصة ومعالجة كاملة، ومعايا كاتب معاه الاوسكار امريكاني وبيكتب في الفيلم، وكنت مرشح لست حلقات لمسلسل عالمي لكن مخرج تاني اللي عملها".
واستطرد قائلًا: "نفسي اخد الاوسكار ونفسي اوصل للعالمية بطريقتي، عمري ماطلبت من ربنا حاجة صغيرة بطلب بطمع دايماً"
برنامج اسرار تقدمه الإعلامية أميرة بدر على شاشة النهار يومياً في تمام الساعة التاسعة مساءً، تستضيف من خلاله عدد من نجوم الفن والرياضة والسياسة في مصر.
اقرأ أيضًا:
أنا بطلة والبركة في جوزي.. رحلة مي عمر في الدراما من الأسطورة لـ نعمة الأفوكاتو
جريدة الموجز، جريدة ورقية أسبوعية مستقلة، وموقع شامل يستطيع الجمهور من خلاله الوصول للخبر الصحيح والمعلومات الدقيقة.
ويقدم موقع الموجز للقراء كل ما يهم الشأن المصري الداخلي والخارجي بشكل يومي وعاجل، بالإضافة إلى أخر تحديثات أسعار الذهب ، أسعار العملات، أسعار الدولار، أسعار السلع أولاً بأول.
كما يقدم الموقع لقرائه أحدث وأهم أخبار الفن، وأخبار الرياضة، وأخبار السياسة، وأخبار الحوادث، وأخبار العالم ، وأهم الاحداث الكروية ، دوري أبطال أوروبا، ودوري أبطال آسيا، ودوري أبطال أفريقيا.
