دعوى نشوز.. كواليس قصة زوجة أرادت أموالًا وفيرة فعاقبها زوجها أمام المحكمة
دعوى نشوز، أقامها زوج ضد زوجته أمام محكمة الأسرة، إذ إنه تحمل ما لم يستطع رجل أن يتحمله من سوء معاملة وعدم الحصول على الحقوق الشرعية، فكان يعيش حياة صعبة مع زوجته، الموجز يستعرض التفاصيل.
دعوى نشوز
الزوج قال في دعوى نشوز أمام محكمة الأسرة: "اتجوزتها وأنا بحبها، ومكنش عندي أهم منها في الدنيا، حبينا بعض وفضلنا نتقابل ونعيش حياتنا بالخروجات والفسح واللعب والتنطيط، مش بس كده ده كمان كان فيه ورود وشموع وحب حقيقي بينا".
تفاصيل دعوى نشوز
وأضاف الزوج في دعوى نشوز أمام محكمة الأسرة: "بدأت الست هانم حالها يتغير طبعًا للأسوأ، وبعدها لقيت واحدة تانية كأني مكنتش أعرفها قبل كده، خناق وخلقها ضيق وحاجة كده لا تطاق".
وتابع الزوج في دعوى نشوز أمام محكمة الأسرة: "مبقتش عارف أكلمها خالص، وحتى الحاجات اللي كنا لازم نتناقش فيها قبل الجواز مبقتش موجودة، بقى اليوم عبارة عن إننا بنتقابل آخر اليوم وخلاص، أخلص الشغل وارجع البيت عشان ألاقي هموم الدنيا موجودة".
اجتناب تام
وواصل: "المشاكل كبرت بقى وبقت مفيش زيها في الدنيا لما خلفنا طفلنا، ومن ساعة اللحظة دي وانا مش عارف أعيش معاها ولا حتى أكلمها نص كلمة، زي ما يكون الولد ده كان القشة اللي قصمت ظهر البعير".
وتابع الزوج بدعواه: "دمرت حياتي وتفننت في افتعال الخلافات، وداومت علي الإساءة إلى، وفضلت تقول للناس كلام مش موجود في، رغم زواجنا عن حب، وإنفاقي عليها مئات الآلاف من الجنيهات حتي أرضيها".
وأكد: "مرضيتش بأي حاجة من الحاجات دي كلها وكانت دايمًا بتحاول تعمل أي مشاكل عشان تاخد فلوس وحقوق أكتر، ومن اللحظة دي بدأت مسيرة الدخول في المحاكم".
تحايل وأموال
وأشار إلى أنها: "تركتني وتتحايل لإلحاق الأذى والضرر بي، وطلبت الطلاق، وطالبتني بسداد مبلغ 600 ألف جنيه لها، لأعيش في جحيم بسبب أفعالها، لأنها عايزة تإذني بكل شكل من الأشكال".
وأكد الزوج: "زوجتي رفضت التواصل معي، وأصرت علي الانفصال، وقامت بالاستيلاء على المنقولات والمصوغات واتهمتني زورا أنني سرقتها، وشهرت بسمعتي وفضحتني، وحاولت إيذائي".
اقرأ أيضًا: لمناقشة شهود الإثبات.. تأجيل محاكمة المتهمين بقتل الطفلة سجدة لـ23 فبراير
هدير عاطف وطليقها اليوم أمام المحكمة الاقتصادية.. بتهمة توظيف الأموال
