دعوى طلاق.. مأساة ترويها زوجة أمام محكمة الأسرة للانفصال عن زوجها
دعوى طلاق، أقامتها زوجة ضد زوجها أمام محكمة الأسرة في الجيزة، إذ إن الزوجة أصرت على رفع دعوى طلاق بسبب ما كان يفعله ذلك الرجل معها في الفترة الأخيرة قبل رفع دعوى طلاق، الموجز تستعرض التفاصيل.
دعوى طلاق
قالت الزوجة في دعوى طلاق أمام محكمة الأسرة في الجيزة: "مكملتش معاه سنتين بس في المدة اللي قعدتها معاه كان ننوس عين أمه على طول عايزنا قاعدين عندها، أكل وشرب ونوم وعلاقة، وحتى اللعب والهزار بتاعنا يكون قدامها".
وأضافت الزوجة في دعوى طلاق أمام محكمة الأسرة: "المدة اللي قعدتها معاه كانت عذاب مكنش بيحب إننا نروح من عند أمه عشان نقعد في شقتنا ونعمل كل اللي احنا عايزينه براحتنا، كنت عايزة أبقى براحتي أعمل اللي انا عوزاه في شقتي براحتي، محدش يقولي أنتي بتعملي إيه تعالي أقعدي معايا شوية وقومي واعملي".
تفاصيل دعوى طلاق
وتابعت الزوجة في دعوى طلاق أمام محكمة الأسرة: "خلال مدة زواجي لم أمكث بمنزلي سوي أيام معدودة ومعظم الوقت كنت أعيش بمنزل عائلة زوجي، عشان هو كان بيحب يقعد معاهم، ومبيرداش يخلينا نرجع شقتنا، الموضوع بدء يخليني مبقتش طايقة نفسي من اللي كنت بشوفه".
إجبار وليس اختيار
وواصلت الزوجة: "كان بيجبرني إننا نفضل قاعدين عندهم، ولما أعترض يهددني إنه هيطلقني، وفي وسط ده كله كان مسبب لي ضرر معنوي والمادي، ورفض التفاهم فيما يخص استقلالنا بمنزل الزوجية كما وعدنى قبل الزواج، وقالي اللي أنا عايزه هو اللي هيمشي يا إما متلزمنيش".
العنف قبل النهاية
وأضافت: "طالبت بالتفريق بيننا، وذلك بسبب خشيتي علي حياتى بسبب عنفه، ولما مرضيش إننا نحلها ودي وكل واحد يروح لحاله، بدأت أهجره، واطلع وحشة في عينه عشان يسيبني في حالة هو وأهله".
واختتمت الزوجة في دعوى طلاق أمام محكمة الأسرة: "زوجي جعلني أعيش مأساة بعد تخليه عني وترهيبه لي وتهديدي، علشان كده مقدرتش أقعد معاه أكتر من كده لأني خفت يعمل في حاجة زي اللي بيحصل في أي حتة، وقررت أهرب وبعد شوية جيت للمحكمة عشان تطلقني منه حفاظًا على حياتي".
اقرأ أيضًا: تفاصيل تريند خليفة الحاج متولي.. حقيقة زفاف شاب بـ عروستين في الفيوم