أحمد عز في حديث الصراحة عن عادل إمام ونور الشريف .. تفاصيل
تحدث الفنان أحمد عز، خلال ندوته المقامة حالياً في المسرح المكشوف في مهرجان القاهرة السينمائي الدولي، 45 عن سبب إهداءه جائزته للزعيم عادل إمام.
ويرصد "الموجز"، أبرز تصريحات أحمد عز، التي تضمنت حديثه عن الزعيم عادل إمام، ونصيحته التي لا وال يعمل بها حتى الآن قائلا، " الزعيم عادل إمام ملهم لجيلي وللأجيال الجاية، ةطموح أي فنان إن الفيلم بدل ما يشوفه واحد يشوفه ناس كتير، الأستاذ عنده المعادلة دي عاوز تنجح الالتزام والورق ونصيحته دي هي اللي عايش بيها لحد دلوقتي".
كما تحدث عن كواليس تعاونه مع الفنان الراحل نور الشريف في فيلم ملاكي إسكندريه :"كنا بنصور في الفيوم لو كاميرا الساعة ٨ بصحى ٦ ونص أستاذ نور كان بيخش التصوير قبل أي حد كنت محظوظ أن اتعاملت مع أساتذة كبار زي دول".
وتابع:"ملاكي اسكندريه جملة بستعيرها من صديقي محمد هنيدي، طول عمري بحب اشتغل وسط ناس ناجحة كل النجوم اللي بشتغل معاهم هما نجوم الفيلم قبل مني، كان كل دعواتي عاوز اعدي الكوبري ده عشان يبقى عندي فيلم كل سنة زي النجوم الكبار، قبل ما الفيلم ينزل كان سعيد حامد بيعمل فيلم يانا يا خالتي قالي والله يا اخي انت اتعملك كل حاجة ويشاء ربنا الفيلم يعدي وينجح ده كرم من ربنا كنت بتعامل مع الفيلم ده كأنه مولود كنا بنطبعه في الهند عقبال ما بتوصل بتكون كرهت كل حاجة في الفيلم مسافة كبيرة وقتها الفيلم كان فيه مود وحاجة مضلمة بتفرج على النسخة الزيرو معرفتش أنا من خالد من غادة من كتر ما النسخة كانت مضلمة رجعت الاوتيل مكنتش فاهم ده لسه هيتصحح ويتعرض ورجعت بيه مصر وكان بداية كويسة الحمد لله ".
اقرأ أيضاً:
في معرض الشارقة.. أحمد عز يشارك الجمهور رؤيته عن الأدب والسينما والزواج
قبل أحمد عز.. أبرز 9 نجوم تم تكريمهم في مهرجان القاهرة السينمائي
