علي ياسر يهاجم إدارة نادي الزمالك بعد فسخ عقده دون علمه

عبر علي ياسر، لاعب نادي الزمالك، عن حزنه الشديد، بعد عدم قيده في قائمة الفريق الأبيض المحلية، ليستمر دون ناد حتى شهر يناير القادم. التفاصيل يرصدها الموجز في السطور التالية.

وأكد اللاعب عن أزمته مع نادي الزمالك، أنه قطع إعارته مع نادي مودرن سبورت، من أجل العودة للتدريب وبداية مشواره مع الزمالك من جديد.

علي ياسر يهاجم إدارة نادي الزمالك بعد فسخ عقده دون علمه

وكتب علي ياسر عبر حسابه على موقع التواصل الاجتماعي فيسبوك، “(وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا) بعد إغلاق القيد حابب أقول حاجة بس بعد ما قطعت إعارتي مع نادي مودرن سبورت (فيوتشر) لحد النهارده الصبح كنت مفكر إني متقيد في نادي الزمالك زي ما اتقال ليا”.

وتابع: "بعد محاولات كتيرة من التواصل مع مسئولين النادي قبل إغلاق القيد لا حد سأل فيا ولا اتواصل معايا عشان أعمل أبسط حقوقي إني أنزل اتمرن، حتي بعد ما رحت النادي أسأل علي موقفي وإني محتاج أعرف هعمل أيه لأني قاعد ف البيت بقالي شهرين وهقعد في البيت لحد شهر يناير".

وأضاف: “اتفاجئت أن النادي استغني عني قبل ما القيد يقفل بدون علمي لا حد كلف نفسه ثانية يكلمني يقولي علي حاجه ولا حد كلف نفسه ثانية يرد عليا عشان أعرف موقفي  بعد ما إتقال ليا قبل كده من مدير الكورة إني متقيد في النادي لحد دلوقتي".

لا يفوتك

حقيقة عودة أشرف بن شرقي لصفوف الزمالك خلال فترة الانتقالات الشتوية المقبلة

قناص الأهلي يراسل برشلونة.. عماد متعب يستعد لوداع تاريخي في مباراة اعتزاله

وأكمل ياسر حديثه: "أنا قاعد في البيت بسبب تعاملي بإحترام واحتراف زي ما اتربيت واتعلمت من وأنا صغير بس في الكورة ساعات بيجوا علي المحترم والمتربي شوية ودايمًا هيفضل عندي قناعة أن في الكورة زي ما في الحلو في الوحش وده جزء كبير من الكورة فبكل الظروف هنعدي ونستحمله عشان دي الحاجه اللي الواحد بيعرف يعملها وبيحبها”.

وواصل: "الله يعلم اني محب ومشجع لنادي الزمالك منذ الصغر وانني كنت أتمني أتوج مع نادي الزمالك بكل شئ لان ده حلمي منذ الصغر لكن بعض الناس كان لها رأي آخر".

واختتم علي ياسر حديثه قائلاً: “حابب أشكر الجمهور واللاعيبة والمدربين اللي وقفوا معايا وسندوني في أول ظهور ليا مع نادي الزمالك وفضهري من وأنا صغير داخل جدران نادي الزمالك ودايما كانوا إخواتي الكبار ودايما كنت بتعلم منهم ونسأل الله التوفيق فما هو قادم ليا ولنادي الزمالك وشكرا”.

وشارك علي ياسر، مهاجم الزمالك، مع الفريق 3 مباريات بواقع 122 دقيقة، دون أن يسجل أو يصنع، بينما شارك مع مودرن سبورت 20 مباراة سجل هدفا واحدا كان في النسخة الماضية من كأس الكونفدرالية الأفريقية والغريب أنه كان أمام نادي الزمالك نفسه.

إقرأ أيضًا:

الأهلي يعلن تفاصيل إصابة ياسر إبراهيم وموقفه من المشاركة في مباراة زد

ترتيب الدوري الإنجليزي 2024-2025 بعد تعادل مانشستر يونايتد مع تشيلسي