حسام حسن: مفيش لاعب في الدوري يتسحق الانضمام لمنتخب مصر

كشف حسام حسن المدير الفني لمنتخب مصر الكثير من الأسرار عن الكرة المصرية، قبل تصفيات الفراعنة لمنافسات تصفيات إفريقيا المؤهلة لكأس العالم.

ويستعد منتخب مصر تحت القيادة الفنية لحسام حسن، استكمال مشواره بالتصفيات الأخيرة المؤهلة للمونديال، عندما يصطدم بمنتخبي بوركينا فاسو وغينا في الجولة الثالثة والرابعة.

وقال حسام حسن في المؤتمر الودي مع الصحفيين، مساء اليوم الإثنين:" مفيش لاعب في الدوري المصري يستحق الانضمام لمنتخب مصر، احنا بنقعد في المقصورة في الماتشات ندعي نشوف واحد ولا اثنين ناخدهم معانا في المنتخب".

وأضاف العميد:" منتخب مصر بالنسبالي أعلى من أي خط أحمر، وأنا موجود في مجالي هنا علشان للدفاع عنها، ولازم نصارح الشعب المصري والرأي العام ومنخدعهمش".

وتابع:" احنا عندنا 8 محترفين بس في منتخب مصر عكس منتخب بوركينا فاسو عنده 28 لاعب، والتأهل لكأس العالم صعب".

واستكمل:" إيه المشكلة لما اطلب المعسكر يكون قبل الأجندة الدولية بـ 4 أيام، ما الأندية اللي بتشارك في إفريقيا بتاخد قبلها بأسبوع، هو احنا مش بنلعب باسم مصر، أعتقد إننا في مهمة قومية".

اقرأ أيضًا:وزير الرياضة يعلق علي أزمة محمد صلاح مع حسام حسن