سمية الخشاب تكشف علاقتها بـ أحمد سعد وعمر كمال ومحمد رمضان ورأيها فى أشرف زكى ورسالتها لـ شيرين عبد الوهاب
تواصل الفنانة سمية الخشاب إثارتها للجدل من خلال تصريحاتها الجريئة سواء على مواقع التواصل الاجتماعى او لقاءات البرامج، وتحدثت عن أزمة شيرين عبد الوهاب وظهورها حليقة الشعر بعد انفصالها عن حسام حبيب، مشيرة إلى أنها صدمت عندما رأتها لأول مرة.
وقالت سمية الخشاب، خلال لقائها مع الإعلامية أسما إبراهيم في برنامجها حبر سري: أنا اتصدمت من شيرين عبد الوهاب، لما شوفتها وهي حالقة شعرها؛ لأن زمان لما تقص شعرها كان بيكون جوزها مات في الحرب فبتقص شعرها حزنا عليه، والتصرف دا ليه تفاسير نفسية كتير، وشيرين جميلة بشكلها وإحساسها وإحنا بنعشقها وهي قوية لأنها برج الميزان.
وواصلت سمية: ممكن تكون عايزة تنتهي من حياة تعبت منها، وعايزة تموتها وتنساها، ودا رد فعل طبيعي أو ممكن يكون رد فعل نفسي عنيف دون تفكير بسبب غلطة ومش عارفة هي رايحة فين وقراراتها صح ولا لا، في كل الأحوال محدش يستاهل تتخلي عن شعرك، دا إحنا بنقعد سنين عشان يطول.
واختتمت سمية، قائلة: دي مش محنة، دي تجربة وعدت وشيرين هتستفاد منها واللي جاي أحلى من اللي فات، وربنا بيعمل الخير لينا، وإحنا بس اللي بنشوف عكس كدا، لأننا بنبص في إطار محدود، وأنا لا يمكن أعمل زيها، أصل عشان مين؟ محدش يستاهل.
وأكدت أن شائعات الزواج تلاحقها باستمرار كونها من الفنانات الجميلات، وسخرت قائلة "بيقولوا عليا كده عشان لذيذة وجميلة ودمي شربات وأي حد بيعدي بيجوزوني له ويطلقوني وفى حالة اتهاض ليا، والست لما تكون جميلة بتكون معرضة للشائعات".
وعن رأيها فى الزواج قالت : "أنا مش عايزة اتجوز تاني وانا كده ملكة وبالنسبة لى الزواج نظام اجتماعي فاشل، ومش بفكر في اللي فات وأنا عايشة الحاضر".
وعن حقيقة زواجها من المطرب عمر كمال بعد مشاركته في اغنية، ردت سمية الخشاب قائلة: "زواجي من عمر كمال شائعة تافهة وشروطي للجواز يبقى طيب ولطيف وغني وكريم ويكون مش بيشوف غيري يعني اعمى".
وقالت إنها لم تقم بنشر تغريدات وتلميحات مسيئة لطليقها الفنان أحمد سعد عبر صفحاتها على السوشيال ميديا مشيرة :" التغريدات والتويتات الخاصة بي لا تكون موجهة لأحد".
وتابعت :" اللي فات بالنسبة لي مات وأنا أتمنى الخير لكل الناس وأي حد"، مضيفة:" لا أوافق أن أكون زوجة ثانية لأي زوج".
ولفتت سمية الخشاب: "لم أكن زوجة ثانية لأحد مطلقا، ورأينا تجارب كثيرة لأصدقاء تزوجوا مرة ثانية ثم يعودوا إلى زوجاتهم الأصلية مجددا".
واكدت إنها لم تكن سببا في أي خلاف بين الفنان محمد رمضان وزوجته بعد تصوير مسلسل موسى:" تظهر عليا شائعات كثيرة مع اي حد أشتغل معاه ".
وتابعت :" محمد رمضان يحب زوجته وهي بتحبه وهو ممثل كويس وأنا ومحمد أصحاب ".
وأكملت سمية الخشاب:" لم يتم شطبي من نقابة المهن التمثيلية وانتشرت في فترة شائعة بأنه تم تحويلي للتحقيق في النقابة ولكني تواصلت مع اشرف زكي نقيب الممثلين وأكد لي ان هذا الأمر شائعة ".
ولفتت الخشاب:" نقيب المهن التمثيلية أشرف زكي أخ كبير ولا يتأخر عن تلبية طلب أي زميل ".
