فيفي عبده : الحجاب عايز واسطة ومش بلبس عريان

أثارت النجمة فيفى عبده، جدل واسع بعد نشرها فيديو تتحدث فيه عن الشائعات المنتشرة حول ارتدائها الحجاب ودخولها الإنعاش، وكشفت عن تحسن حالتها الصحية.

قالت النجمة فيفى عبده، فى فيديو عبر حسابها بموقع تويتر : "الدنيا برد جدا.. وطبعا الحجاب مش حرام ولا حاجة.. أمى وكل أخواتى متحجبين، لما ربنا يريد هتحجب مش عاوزه كلام.. هى عاوزه واسطة.. الحجاب عاوز واسطة بين العبد وبين ربه".

وأضافت: "ليه كده تتدخلو في اللى مالكوش فيه اه يا جماعة.. وليه أنا أنزل كل صورة تتطلعوا عليا إشاعات.. مرة في الإنعاش ومرة ماتت.. وأنا برقص ولسه ما قولتش إن أنا اعتزلت ومش بلبس عريان ولا حاجة.. ليه تقولونى وأنا ماقولتش.. حرام عليكم كفاية بقى".

كما نشرت فيفى عبده، فيديو عبر حسابها بموقع "إنستجرام"، خلال تجولها فى الشقة، وقالت: "أنا موجودة الحمد الله، وبتعافى وألف حمد وشكر وده غلطة من صيدلية كانت السبب فى المشكلة حظى ونصيبى وقسمتى"، واستطردت: "أنا أول مرة أنزل من السرير وبتعافى واللى موتونى حرام عليكم".

جدير بالذكر ان اخر أعمال فيفي هو برنامج المقالب " خلي بالك من فيفي"، ومسلسل"مملكة الغجر" في عام 2019 مع حورية فرغلي وأحمد كرارة.