نيللي كريم : مفيش جزء ثاني من مسلسل بـ”100 وش”.. و”العميل صفر” شغلني عن ”الفيل الأزرق 3”
حرصت النجمة نيللي كريم علي التواصل مع جمهورها من خلال هاشتاج "أسال نيللي"، علي حسابها الرسمي علي موقع التدوينات الصغيرة "تويتر"، وأجابت علي بعض الأسئلة وكشفت عن مصير أعمالها الفنية المقبلة.
أكدت أنه لا يوجد حديث في الوقت الحالي عن تقديم جزء ثالث من فيلم "الفيل الأزرق"، كما أشارت إلى انشغالها بالوقت الحالى بتصوير فيلم "العميل صفر" مع الفنان أكرم حسنى، إضافة إلى التحضير لمسلسلها في رمضان المقبل، موضحة إن صناع المسلسل لم يستقروا على الاسم حتى الأن، وأن ما يتم تداوله عن إطلاق اسم "وضع طيران" غير صحيح.
وسألها أحد المتابعين قائلًا: "فيه جزء تالت من الفيل الأزرق؟"، لتجيبه نيللي: "كان في كلام بس لحد دلوقتي معتقدش هنعمله أو ممكن هيتعمل.. بس دلوقتي مفيش كلام عليه عشان كلنا مشغولين وبنصور فمفتكرش دلوقتي فيه حاجة".
وعن فيلم "الفارس"، والذي تم الإعلان عنه من بطولة النجم كريم عبد العزيز، قالت :"فيلم الفارس حسب ماعرفت المشروع وقف ده كان من سنتين ..لا مفيش دلوقتي حاجة المشروع اللي بشتغل عليه هو فيلم العميل صفر مع المخرج محمد سامي بطولة أكرم حسنى ده بدانا تصوير فيه ولسه بنكمل و بحضر مسلسل لرمضان.. ديه الحاجات اللي بشتغل عليها".
وتحدثت عن الجزء الثاني من مسلسل "بـ100 وش"، قائلة :"هيكون فيلم سينما مش مسلسل و عندى مسلسل فى رمضان لسه بنحضره، وتطرقت نيللى في حديثها إلى الفوبيا الخاصة بها، قائلة :"كلنا عندنا فوبيا مفيش بني ادم معندوش فوبيا حتي لو مش بيقول.. انا مش بحب الأدوار المرتفعة خالص يعني مش بحب الأدوار العالية و مش بحب الأماكن المقفولة يعنى حتي لو مش جنينة أو مكان على الأرض بحب يكون فيه بلكونة او حاجة مش بحب احس بالخانقة ابدا.. بس مش بخاف من الاسانسيرات عادى".