نضارة جديدة.. قصيدة للشاعر أحمد علي عُكه

نضارة جديدة
خلتني أشوف
العالم بالمقلوب
والأرض ..
شمسية كبيرة
فوق راسي
والسما..
سجادة مفرودة
بادوس
على سحابها ..
نجومها
تتعفر جزمتي بترابها
وف عز الضهر
شايف الدنيا ضلمة
مع إن الشمس أهي طالعة
لكن وشها
أسود من وش
العبد الحبشي
الفرح الساكن جوايا
اتحول حزن كبير
بيساع أحزان العالم
والفايض منه بيفرقه
على كام كوكب
حوالينا..
نفسهم في شوية
أحزان من عندي
مع رفعة ايدي ..
ب وشي
من ع النضارة
لقتني شايف
العالم زى ما كان
وسألت قالولي
هيه كدا
بتخدع
وبتوهم أصحابها
إنها معدولة
وهيه طول عمرها
عايشة بالمقلوب
أصلها كدبة كبيرة
بيعيشها كل
اللي بيحلم
إنه يكون إنسان