دعوى نفقة.. الزوجة تستغيث في محكمة الأسرة :"بيطلع الجنيه بالعافية"
دعوى نفقة.. أقامتها زوجة ضد زوجها أمام محكمة الأسرة، إذ إنها أرادت أن تفصح عما يحدث لها ولأولادها من حياة مليئة بالعذاب في ظل الحياة الصعبة التي يعيشها الكثيرون خلال الفترة الراهنة، الموجز تستعرض التفاصيل.
دعوى نفقة
سعاد وقفت أمام محكمة الأسرة لترفع دعوى نفقة ضد زوجها، بعدما باءت كل محاولات الإصلاح بينهما وزوجها بالفشل، الأمر الذي جعلها لا تطيق أن تعيش معه في الحياة دون أن تنفصل عنه، فضلًا عن أنها ترحم أبنائها من هذا الأب الذي لا يعرف أي شيء عن معنى كلمة أب.
تفاصيل دعوى نفقة
قالت سعاد في دعوى نفقة أمام محكمة الأسرة: "حياتي في بداية الزواج كانت تشبه المثالية، لكنها تحولت وبدأت المشكلات تتفاقم بسبب رفض الزوج الإنفاق على زوجته وأولاده، الموضوع كان ماشي في الأول زي الفل، بس بعد شوية من الجواز وخلفة العيال وزيادة المسؤولية الموضوع اتحول وشخصيته هو اتغيرت جامد جدًا".
حكاية دعوى نفقة
وأضافت سعاد: "قبل الجواز مكنش في مشاكل بسبي الفلوس خالص حتى بعد ما اتجوزنا كان كويس وبيصرف عادي ومفيش أي مشاكل، وكل حاجة كنت عايزاه كان بيجبهالي، بس فجأة وبدون أي مقدمات مبقاش فيه منه الكلام ده، حتى الجنيه مبقاش يخرج من جيبه إلا بالعافية".
الإصرار على عدم الإنفاق
وواصلت الزوجة: "المشاكل كترت والعيال بقوا متبهدلين، عشان بقى مهمل في حقي أنا والعيال، مش عايز يصرف علينا، اتكلمت معاه كتير قبل كدا بس هو مش راضي وبيطلع الجنيه بالعافية من جيبه، وكان في الأول بيعمل كل حاجة لي وعياله، بس فجأة كل ده اتغير وانا بصراحة عايزة إني أربي العيال واصرف عليهم وأعيشهم زي أي عيال في الدنيا".
واختتمت: "اللي خلاني بقى مبقتش طايقاه ولا حتى عايزة أعيش معاه إنه مبقاش بيصرف عليا أنا والعيال بس يروح عادي جدًا يصرف على أصحابه وإخواته، وكل أصلًا ما أقوله يا راجل عايزة فلوس عشان العيال وعشان أجيب حتى الأكل والشرب يقولي أجيبلك منين بس، مع إنه أصلًا ماشي يوزع في الفلوس على أصحابه وإخواته، فقولت لازم أخليه يحس بمعانتي أنا وأولادي".
اقرأ أيضًا: ضحية النفقة.. تدخل ليحل خلاف بين الأم وابنها فكانت نهايته القـ.ـتل
