وفاء في دعوى ضم حضانة: "بهدلني ومبقتش قادرة أعيش معاه وعايزة عيالي"
دعوى ضم حضانة.. وفاء وقفت أمام محكمة الأسرة لتعيد إليها أولادها وتخلصها من زوجها الذي لم تعد تستطيع أن تعيش وتكمل الحياة معه بعد الذي فعله معها على مدار سنوات زواجهما.
دعوى ضم حضانة
دعوى ضم حضانة تسرد تفاصيلها الموجز، إذ قالت وفاء أمام محكمة الأسرة: "عيشت معاه أجمل سنين عمري، مكنتش شايفة إن الحياة من غيره ليها لازمة، حب وحنان وسعادة العيشة اللي أي حد بيبقى عايز يعيشها، لكن بعد ما خلفنا العيال الدنيا بدأت تتغير في ثواني".
تفاصيل دعوى ضم حضانة
وأضافت وفاء في دعوى ضم حضانة أمام محكمة الأسرة: "لقيته بعد ما جبنا العيال بدأ المشاكل، كل شوية عنف وضرب وإهانة، مش بس كده، ده كمان بيعاملني ولا كأني من الشارع ولا كأني خدامة جايبها تمسح وتكنس وتروق وتطبخ وخلاص".
وتابعت وفاء في دعوى ضم حضانة: "شوية وبدأت التهديدات والدنيا اتقلبت خالص، بعد الحب والحنان بقت بهدلة وإهانة، لدرجة إني مبقتش أصلا قادرة أشوف وشه، بقى بالنسبة لي أسوأ شيء ممكن أشوفه في الحياة بعد اللي عمله فيا".
أسباب دعوى ضم حضانة
دعوى ضم حضانة توصلت إليها وفاء في محكمة الأسرة على أمل عودة أولادها إلى أحضانها؛ بعد ما أخذهم الزوج منها عنوةً كنوع من أنواع الضغط عليها حتى تتنازل عن دعوى الطلاق، دعوى الطلاق رفعتها وفاء بعدما استحالت استمرار الحياة بين الجانبين.
وواصلت الزوجة في دعوى ضم الحضانة: "رفعت دعوى الطلاق عشان أخلص منه ومن اللي عمله في وبعد كده اكتشفت إنه بيعمله في العيال كمان، بس المشكلة بقى إني لما رفعت دعوى الطلاق معرفتش أطلق منه لأن الدعوى اترفضت عشان هو كان معاه محاميين تقال خلوه يكسب القضية، المهم إني معرفتش أطلق".
وقالت إنها استمرت في البحث عن أن شيء يخلصها من هذا العذاب، لكنها اكتشفت أن زوجها أخذ أولاده وأبعدها عن المنزل، فضلًا عن أنها لن تستطيع أن ترى أولادها في الفترة المقبلة.
وفاء لم تستلم لهذا الأمر، وقررت أن ترفع دعوى ضم حضانة أمام محكمة الأسرة لإعادة أولادها إلى أحضانها.
اقرأ أيضًا: إيمان بدعوتي حضانة ونفقة .. خطف عيالي وبيساومني عليهم
