أحمد داود : ناس كتير رجعوا لبعض بسبب فيلم الهوى سلطان
حل الفنان أحمد داود اليوم الموافق 21 نوفمبر ضيفًا على برنامج "الراديو بيضحك" مع الإعلامية فاطمة مصطفى عبر إذاعة راديو 9090 وذلك بعد نجاح فيلم الهوى سلطان، ويكشف الموجز ابرز تصريحاته
وأعرب أحمد داود عن سعادته العارمة بتأثير فيلم الهوى سلطان على الجمهور وكيف حقق الفيلم المعادلة الصعبة بين تحقيق إيرادات عالية من الناحية التجارية والتأثير على عواطف الجمهور من الناحية الإنسانية.
كما تحدث خلال اللقاء عن مواقف بعينها كبرهان على نجاح الفيلم قائلا " شوفت فيديوهات لناس رجعوا لبعض بسبب الأغنية ودي أكتر حاجة بسطاني، وفي حالة نجاح حقيقة حصلت في الفيلم يارب نشوفها كتير، دايما بتعملي إيرادات بس مبتشوفيش التأثير دا على الناس ودا عمل المزيج بين الاتنين".
واسترسل حديثه عن الأغنية الخاصة بالفيلم قائلا" في ناس حقيقية بتعمل حاجات بتأثر فيا جدًا زي اتنين رجعوا لبعض بسبب الأغنية وتأثرهم بها والأحداث الواقعية اللي حصلت في الفيلم".
واختتم حديثه قائلا" أنا بحب جدا أراء الناس البسيطة اللي ملهاش علاقة بالشغل خالص، و أفراد الأمن صقفولي وأنا داخل ألعب كورة، ودا موقف يأثر فيا أكتر من أي كلام مهم".
فيلم الهوى سلطان
تدور الأحداث حول شابة وشاب تربطهما علاقة صداقة قوية منذ الطفولة، ويواجهان معًا العديد من المواقف والمشكلات المختلفة مع أصدقاءهما وأسرتيهما، لكن تحدث فجأة بعض المتغيرات في علاقتهما، ويذهب كل منهما لطرف آخر ثم تعود علاقتهما مرة آخرى في نهاية أحداث الفيلم.
ايرادات فيلم الهوى سلطان
ويكشف لكم الموجز إيرادات الفيلم حيث حقق فيلم الهوى سلطان إيرادات مرتفعة بلغت نحو 40 مليون حنيهًا وذلك بعد مرور أسبوعين على طرحه بدور العرض السينمائيه.
أبطال فيلم الهوى سلطان
شارك في بطولته باقة من ألمع نجوم الفن أبرزهم منة شلبي، أحمد داود، سوسن بدر، أحمد خالد صالح، جيهان الشماشرجي، نورين أبو سعدة، عماد رشاد، فدوى عابد، خالد كمال تأليف وإخراج هبة يسري.
كلمات أغنية أنا من غيرك
أنا من غيرك بتوه توهان
أنا من غيرك مليش عنوان
أنا من غيرك بتوه توهان
أنا من غيرك مليش عنوان
يا ترى إنت زيي كمان؟
زيي كمان مشتاق لزمان
قعدة عادية ومكالمة بتسأل فيها عليّ
في العربية واقفين والدنيا معدية
نرغي شوية نضحك نسمع كم أغنية
نضحك نسمع كم أغنية
يا ليل يا ليلي يا يا عين
يا ليل نسمع كم أغنية
لما أقول لك تبعد إياك تسمع مني
قرب أكثر إمسك فيّ بكلمة احضني
ازاي تمشي ده إنت لوحدك بس فاهمني
أنا مستني أهو تكلمني
أصل التفاصيل أجمل بكثير بوجودك فيها، بوجودك فيها
أتاريك إنت يا حبيبي إنت اللي محليها حياتي إنت محليها.
اقرأ أيضًا
أحمد داود يكشف سبب تحمسه لفيلم الهوى سلطان
”ولادي هما إضاءة حياتي وبعيش معاهم حاجات معرفتش اعيشها في طفولتي“.. أبرز تصريحات أحمد داود