بتتجاهلوني ليه.. طرد حسن الهلالي من مهرجان القاهرة السينمائي لهذا السبب
تصدر إسم الفنان حسن الهلالي تريند جوجل بعد الأزمات التي حدثت له، بسبب شنبه المزعج لكثير من الناس، وآخرهم انتشار مقطع فيديو عبر مواقع التواصل الإجتماعي أثناء طرده من مهرجان القاهرة السينمائي، ويكشف موقع الموجز القصة كامله.
طرد حسن الهلالي من مهرجان القاهرة السينمائي
وقال حسن الهلالي خلال الفيديو الذي تم تداوله: "بتتجاهلوني ليه، الواحد يسافر بره ويسيب بلده بقا، مدام مش عارفين مين الفنان هنا، أنا بطرد من الأوبرا، أنا نجم معروف حسن الهلالي معروف بـ شنبو، المفروض إن أنا بنشط السياحة، بنزل الهرم أنشط السياحة.
وتابع: الشنب ده تاريخ، عيب اللي بتعملوه مع حسن الهلالي، أنا جاي اعتذر للفنان حسين فهمي وأقوله أنا بحبك، وجتلك علشان أقولك يا أستاذ إن أنا جتلك العزا، وأنا بعزيك لفيت وشك قرفان مني الناس بتقول عليا معفن، حرام.
فريد سيف النصر تهاجم حسن الهلالي
هاجمت فريدة سيف النصر، ما يفعله حسن الهلالي وهدفه هو تصدر التريند على حساب الآخرين قائلة: بلطجة في محفل دولي رسمي، اللي حصل من الممثل الهلالي في مهرجان القاهرة وعلى الريد كاربيت شيء بلا شك مأجور جدًا مهما حاول أي حد ينفي، انت في الفيديوهات بتقول في العزاء مارضيش يبوسك.. يبوس مين وفين؟ انت أصلا مركب أسلاك شائكة على وشك.. هو في إيه بالظبط.
وأضافت: يا حظك إني مكنتش هناك، وبعدين تروح المهرجان تعمل الحبة دول، إيه دخل العزاء في المهرجان، المفروض انت ذكي والباقي أغبياء، نختصمك عند النائب العام، انت قليت أدبك على رئيس مهرجان القاهرة الدولي أولًا ودي كارثة في مكان عمل، وثانيًا النجم الخلوق حسين بك فهمي واضح الجهة اللي زقاك جدًا.
واختتمت: نرجو من السادة المسئولين عقاب رادع ومن نقيبنا المحترم التصرف العاجل، بلا قلة قيمة، والصوت العالي مش عندنا الكلام ده ولا بياكل، وفي مهرجان دولي كمان وكل ده علشان الحلو عايز يتباس.. ومن أمن العقاب أساء الأدب، بلا قلة تقدير وبلطجة، ده تصرف تحت بند بلطجة في مكان عام، وفيه فنانين وصحفيين أجانب، بتصدر إيه يا هلالي للخارج؟ الناس تخاف تيجي عندنا؟ لاااا خاف انت وخاف بجد، أنا غضبانة جدًا واتقي شر الحليم.
هذا، وكان حسن الهلالي قد انفعل خلال المهرجان بسبب تصرفات بعض الحضور، وأشار إلى أنه تم تجاهله رغم أنه يعتبر فنانًا معروفًا، مشيرًا إلى أن الناس يصفونه بصفات مهينة.
اقرأ أيضاً
أبرز فعاليات اليوم بمهرجان القاهرة السينمائي الدولي في دورته الخامسة والأربعين
مهرجان القاهرة السينمائي يُعلن عن الفائزين بجائزة "جيل المستقبل" في دورته الـ45
