مش هيحصل طول ما فيه صحة.. الراقصة دينا تحسم جدل اعتزالها
نشرت الفنانة الاستعراضية دينا مقطع ريلز من برنامجها "اسمع من دينا" وذلك عبر حسابها الرسمي على موقع التواصل الاجتماعي "انتسجرام" تجيب فيه على من يطالبونها اعتزال الرقص الشرقي ويستعرض لكم الموجز أبرز تصريحات دينا في قرار اعتزالها
محدش يحددلي مسيرتي المهنية
وأكدت الراقصة دينا أن هذا القرار صعب للغاية وليس في يديها ولن يحدث في يوم وليلة قائلة " اللي بيقول كدا زي مايكون هو اللي بيحددلي مسيرتي المهنية ..ابتدي أمتى وأخلص أمتى و أعيش أزاي و أعمل أيه أولاً مسألة التبطيل دي عرض وطلب أنا مش بخبط على الناس في بيوتهم و أقولهم والنبي شغلوني".
وتابعت دينا معلقة "شغل الفن طول ما أنت ماسك نفسك وماسك فنك قادر تقدم حاجة كويسة هتبقى مطلوب المسألة مش مسألة أنه قرار سهل تقدر تاخده، القرار صعب جدًا، الناس اللي بتشتغل لايف جزء من حياتها وتركيبة يومها كله أتكون ومشي على شغلهم، عشان يبطلوا محتاجين نقلة في حياتهم تنقلهم منه، فمش مسألة أصحي من النوم بطلي اللي بتعمليه".
وواصلت الراقصة دينا مستنكرة تناقد الأخرين " معتقدش اللي بيقول كدا يقدر يبطل حاجة هو بيعملها وميعرفش يحكم على نفسه، أنا بشوف الكلام اللي في تحديد مصير الناس مش مفروض يتقال أساسا، لأنك لا أنت تعرف البني أدم اللي قدامك دا ماشي أزاي ولا خطته في الحياة أيه..محدش فينا أهبل، كلنا عارفين أحنا بنعمل أيه كويس أوي ".
طول ما فيا صحة هفضل أرقص
واسترسلت دينا قائلة " أنا مش هبطل رقص لأني مدربة بقالي سنين وبدرب في العالم كله وهفضل أدرب وهفضل أرقص لحد ما صحتي تبقى مش مساعداني "
وأكمت حديثها ساخرة " أنا بعتذر للي عايزني أبطل " هيزعل أوي" ..ياريت تفكر في نفسك أنت بتعمل أيه هتبطل أيه أمتى و هتشتغل أيه أمتى وأكيد أنا مش هدخل في الموضوع دا لأني فاهمة كويس أوي أن كل بني أدم في الدنيا هو الوحيد اللي يقدر يحدد مصيره..يارب أكون قدرت أفهمكم".
اقرأ أيضًا
بعد تصريحاتها عن الزواج 9 مرات.. تعرّف على قصص الرجال في حياة دينا
