مروة صبري تهاجم مني فاروق بسبب لايف تيك توك
شنت الإعلامية مروة صبري هجوماً على الفنانة مني فاروق بسبب ظهورها في لايف عبر تطبيق الفيديوهات الشهير "تيك توك"، وتحدثت مع جمهورها بطريقة مبتذلة وسخيفة على حسب وصفها، ويكشف الموجز القصة الكاملة.
مروة صبري تهاجم مني فاروق
وظهرت مروة صبري من خلال برنامجها "قعدة ستات" المذاع عبر قناة ألفا اليوم، قائلة: منى فاروق طلعت من يومين تقريبا على تيك توك ووصفت نفسها بأبشع الوصف، وقالت أنا تنحة ورزلة وسخيفة، لأن أحد متابعيها قال لها تعليق معجبهاش، فقررت ترد عليه وتهزأ المتابع وكل المتفرجين عليها، وإتكلمت بشكل غير لائق وغير مسموح، وغير طريقتها الغلبانة المسكينة اللي عايزة الناس تساعدها تشتغل.
واستكملت صبري: منى فاروق قالت حاجة عجيبة الواحد توقف عندها، قالت أنا بيضا وحلوة وقشطة وجسمي حلو، وأي راجل في الدنيا يتمناني، وأنا اللي مش بيطولني بيحاربني، ومش هخلي حد يطولني، وأنا بتجوز في الحلال ومش بعمل حاجة حرام.
واختتمت مروة صبري حديثها قائلة: يعني إنتي عايزة إيه بالجملة دي؟ إنت طالعة تهيني الناس وتعلميهم الأدب والعفة؟ إيه الطريقة المبتذلة دي في الكلام؟
آخر أعمال مني فاروق
شاركت مني فاروق مؤخرا في مسلسل "أيام" الذي تم تعرضه 2023، بطولة شيري عادل ، حورية فرغلي، ميدو عادل، محمود حجازي، محمد دسوقي، محمد مغربي، لقاء سويدان، حجاج عبدالعظيم، ندي موسي، مي القاضي، رياض الخولي، سلوي خطاب، أحمد صفوت، والعمل من إخراج محمد أسامة، وتأليف سماح الحريري.
أزمة مروة صبري مع مها أحمد
سبق وهاجمت مروة صبري الفنانة مها أحمد بعد ظهورها بشكل غير لائق على تطبيق التيك توك من خلال عمل لايفات لجذب المتابعين وجني المال.
وقالت مروة صبري في برنامجها "قعدة ستات": اقطعوا النت يا جماعة عن مها أحمد، لأن مها مبقتش خطر على نفسها دي بقت خطر على الجمهور كمان، ومش دول الجمهور اللي انتي بتحبيهم ومش قبل كده لما الناس طلعت تهاجمك وتقولك بتطلعي ليه على التيك توك قولتي محدش يتكلم، طب انتي طالعة على متابعينك بتهزقيهم ليه؟.
اقرأ أيضاً
