قصة حب لا تنتهي.. أول تعليق من شيرين عبد الوهاب عن أزمة حسام حبيب

خصص الإعلامي عمرو أديب فقرة من برنامجه "الحكاية" الذي يعرض على قناة "Mbc مصر"، للحديث عن الأزمة الأخيرة للفنانة شيرين عبد الوهاب المتعلقة بالتسجيلات الصوتية التي تخص زوجها السابق الفنان حسام حبيب وتصريحات شقيقها محمد عبد الوهاب. قامت شيرين بتوضيح الأمر لجمهورها من خلال تسجيل صوتي عرضه أديب.

تصريحات شيرين عبد الوهاب

في التسجيل الصوتي، قالت شيرين: "أنا فوجئت باللي حصل على السوشيال ميديا من محمد أخويا وحسام حبيب، وأردت التأكيد أن كلام حسام مظبوط جدًا وأخويا فعلاً باعني."

محمد عبد الوهاب والسيطرة على السوشيال ميديا

وأوضحت شيرين: "التصريح اللي نزل، نزل من محامي محمد اللي مستولي على السوشيال ميديا ومضاله على عقد بيخليه يستفيد من السوشيال ميديا بتاعتي. فيه أغاني جميلة جدًا جدًا عاملينها وشوية حاجات بتخلص عشان المشاكل مع الشركة المنتجة. لأن في حد كمان قاصد يقعدني في البيت وبنخلص الحاجات دي."

دعم الجمهور وثقتها بالقضاء المصري

استكملت شيرين: "عايزاكم متصدقوش أي حاجة من محمد عبد الوهاب وإن شاء الله الأغاني لما تنزل تعجبكم. بالرغم من أن المحكمة حكمت والقضاء المصري أن عقدي انتهى مع روتانا لكن هم لسه رافعين قضايا وموقفين الدنيا كلها وأنا واثقة في قضاء بلدي. اضطريت أرد لأني لقيت السوشيال ميديا مقلوبة."

رسالة شيرين للجمهور

تابعت شيرين: "مش عايزة أضايقكم لأني عارفة أن كل واحد فيكم عنده مشاكل وهموم. كل شوية شيرين شيرين والفترة اللي فاتت مكانش ليا تصريحات. أنتوا أهلي وسندي وبتردوا غيبتي وبتقفوا لي. كمان بعد إذنكم في بيان رسمي في مكتب المحامي قنطوش وياريت ما تصدقوش غير البيانات اللي بتبقى تصريح مني شخصيًا. غير كده دي أكاذيب. بشكركم يا حبايبي وربنا يخليكم ليا."

اقرأ أيضًا:

بيان مهم .. شيرين عبد الوهاب تكشف حقيقة التسجيلات الصوتية وتعلق: تعرضت لمؤامرة من شقيقي

شقيق المطربة الشهيرة يهدد باللجوء للقضاء.. تطورات قضية المكالمات المسربة لـ حسام حبيب