مني ابو غالي تكشف عن شكاوي امتحان اللغة العربية لطلاب الثانوية العامة 2024 .. والتعليم تستعد للتحرك
امتحان اللغة العربية الثانوية العامة 2024 .. أكدت مني ابو غالي مؤسس حوار مجتمعي تربوي وإئتلاف تحيا مصر بالتعليم ، أنه مع بداية الإمتحانات الأساسية لطلاب الثانوية العامة 2024 لغة عربية انقسمت اراء الطلاب ما بين أن امتحان اللغة العربية الثانوية العامة 2024 مناسب ولكن فيه جزئيات محتاجة طالب متميز .
امتحان اللغة العربية الثانوية العامة 2024 صعب
وأضافت مني ابو غالي في تصريح خاص لـ "الموجز" من بين طلاب من يقول أن امتحان اللغة العربية الثانوية العامة 2024 صعب مشيرة إلي أن كل ولي امر بيحدد صعوبة وسهولة الإمتحان من وجهة نظر حل أبنه أو بنته
وأوضحت مني ابو غالي أنه من خلال متابعتها للجروبات الخاصة بالتعليم ومتابعة أراء الطلاب والأهالي لم يثبت الرأي على شيء محدد هناك من تفاءل بالإمتحان وهناك من اشتكى .
واسطردت مني ابو غالي أنه باللجوء لأراء معلمين اللغة العربية وسؤالهم عن تقييمهم لأسئلة امتحان اللغة العربية الثانوية العامة 2024 أكدوا ان نسبة 60 بالمئة اسئلة للطالب المتوسط و20 بالمئة للطالب المتميز و20 بالمئة للطالب العادي وهذا شيء في حد ذاته منصف للجميع
وكشفت مني ابو غالي أن بعض المعلمين أكدو أن هناك سؤال بالنحو يحمل اجابتين ولابد من احتساب الدرجات لمن اختار احدهما
وتابعت مني ابو غالي أنه بالرجوع الى وزارة التربية والتعليم أكدت أن الدكتور رضا حجازي وزير التربية والتعليم على متابعة الأمر وأكد بعض المعلمين ان بالفعل هناك سؤال يحتمل الإجابتين
وايضا من خلال متابعة الشكاوي اكدوا الطلاب على استلامهم للبابل شيت وكتابة البيانات بعد الساعة التاسعة وهذا مخالف لتصريحات وزير التعليم على دخول الطلاب مبكرا قليلا للإنتهاء من كتابة البيانات
كما اشتكى الطلاب من عصبية بعض المراقبين وعمل توتر عام باللجان وهذا يؤثر على نفسية الطلاب وتركيزهم وتم بالفعل الإبلاغ عن تلك اللجان
وقدت مني ابو غالي أبرز الشكاوي والوردة إليها بشأن امتحان اللغة العربية الثانوية العامة 2024 والتي أرسلتها إلي شادي زلطة المتحدث باسم وزارة التربية والتعليم والذي وعد بتحرك الوزارة للتعامل معها والتي تمثلت في الآتي
- مدرسة الرؤية الحي الرابع 6 اكتوبر لجنة رقم واحد المراقبة كل شوية تقلب في ورق البنت وتفتح المقلمة وتقولها وريني ورا ودنك شوية شوية تقلعها الطرحة والبنت تقولها انتي كده بتعطليني تقولها احتياطات حسبي الله ونعم الوكيل
- نفس اللي حصل معايا في مدرسه الثانويه بنات بالمنصوره لجنه2 قومتني فتشتني انا و كل اللي في اللجنه احنا معاكم كل المراقبين عصبين ع الاولادو مفيش اي ٥ دقايق إضافيه علي الربع ساعه اللي ضاعت
- لجنه بنتى النهارده مراقب زباله ضيع اكتر من نص ساعه زعيق وشخط ونطر وضيع وقت اكتر من نص ساعه
- المراقبين بيتعملوا مع الطلابه ع انهم مساجين وهما جلادين ...ازاى مراقب يبقي الاولاد دول زى أولادهم ويتعاملوا كده معاهم
- حصل والله بنتي جايه مضايقه جدا من المراقبين وإللي بيعملوه ده وتروهم جدا في اللجنة وتقولي مكنتش عارفه أركز حرام عليهم والله كفاية عليهم تعب سنه طويلة حسبي الله ونعم الوكيل فيهم
- في لجنه 13 مدرسه احمد زويل إدارة العمرانية التعليمية سلموا بوكليت الأسئلة على الساعه 9:15 والبابل شيت سلموه في 9:20 وعلى ما تم ملئ البيانات كانت الساعة 9:30 يعني ضاع نص ساعة من وقت الامتحان مع أن تعليمات الوزير غير كده تماما
- مدرسة أبو بكر الصديق الرسمية لغات منطقة الجيزة بيدخلوا العيال الساعه 9 والوزير بيقول ندخل 8ونص ياريت حد يدخل بالله عليكم
- اللغات الرسميه الفرنسيه بالمنصوره تفتيش 4مرات داخل اللجنة وتعب اعصاب وتضييع وقت ومن غير نتيجة في الاخر ماطلعوش ولا جهاز من اللجنة ..البنات اعصابها بتنهار من التفتيش الزايد وتشتيت لافكارهم
- السلام عليكم ورحمه الله وبركاته دلوقتي حضراتكم قولتوا أن الطلبة مسموح لهم تدخل بدري عشان يكتبوا بياناتهم في ورقتين البابل شيت والمقالي لكن النهاردة في مدرسة الصفا والمروة الثانوية في امتحان اللغة العربية أدوا للبنات الورق الساعة 9وخمسة وبعد كده وزعوا الأسئلة وده ضيع وقت العيال وخرجوا تعبانين ومتدمرين نفسيا ينفع كده الكلام ده بجد حرام دي شكوي المسؤولين
- ايوه فعلا حصل في مدرسه الصفا والمروة.والمرواح بردوا مش شغال
- السلام عليكم احنا مدرسة جينيس للغات بنمتحن فى مدرسة أمجاد الورق اتوزع الساعة ٩.٢٠ والامتحان طويل جدا والمراقبة مصممه تاخد المفاهيم قبل وقت الامتحان ما يخلص ونازله زن عليهم حاجة توتر الأعصاب وتضيع مجهود أى حد تعب
- الدقي مدرسه بدر الاعداديه محدش بيسلم البابل شيت بدرى عن الساعه 9لكتابه البابل شيت وتظليل رقم الجلوس زى ما حضراتكم بلغتونا
- الإدارة العجوزة لجنة مدرسة الشهيد نبيل سيد الردة المراقبين والله مبيعملوش حاجه غير توتر الاولاد بس وتهديدهم بعمل محضر ليهم لاي سبب كان بنتي اتلخبطت في السؤال المقالي طلبت تغيير الورقه وكان فاضل على الوقت ١٥دالمراقبة قالتلها هعملك محضر واتحملى مسؤلية نفسك ومش هغيير الورقة بعته لرئيس اللجنة مشكور قال من حقها تغيير الورقه لكن المراقبة اللى واقفة على اللجنة قالت مش هقعد بعد الوقت البنت انهارده ودخلت في حالة اغماء بسبب انها كانت عمالة تزعق جامد وتهددها بعمل محضر فا يا ريت المراقبين يعتبروا ان الاولاد اللى قدامهم زي أولادهم ويراعوا ربنا فيهم
- فعلا مدرسة الشهيد أسامة احمد محمد أم الابطال سابقا الثانوية بنات إدارة العمرانية ...كل خمس دقايق تدخل واحدة تزعق في البنات وتهديد ووعيد لو واحدة بتغش وتوتر فيهم وتشتتهم ...مش كفاية الامتحان طويل جدا ومش بيلاحقوا يراجعوا والحر والقلق اللي هم فيه ...لأ تدخل كمان توتر فيهم بزيادة....حسبي الله ونعم الوكيل
- مدرسه الملك الكامل بالمنصوره ورق الاسئله والاجابه داخل متأخر نص ساعه وتوتر وزعيق وشتيمه من المراقبين للأولاد حسبنا الله ونعم الوكيل
اقرأ أيضًا ..
الثانوية العامة 2024.. مراجعة ليلة الامتحان في مادة اللغة العربية
الثانوية العامة 2024.. اعرف الوقت المناسب لكل سؤال من امتحان اللغة العربية
