الرقابة فين؟.. هجوم حاد علي صناع فيلم ولاد رزق بسبب استخدام الألفاظ الخارجة
تعرض الفنان أحمد عز، وصناع فيلم ولاد رزق لهجوم حاد من قبل الجمهور بعد استخدام ألفاظ خارجة في فيلم ولاد رزق 3 والذي يُعرض حاليًا في دور السينما ضمن موسم أفلام عيد الأضحى، وعلق الجمهور علي كيفية إجازة هذه الألفاظ في وجود رقابة فنية.
أحمد عز يعلق على الفيلم
وأوضح الفنان أحمد عز في تصريحات تليفزيونية قائلا". الألفاظ الخارجة في فيلم ولاد رزق 3 مش شايف أنها مختلفة كتير عن المواسم اللي فاتت ولا اللي بتتقال في الشوارع ولا مختلفة عن سياق الفيلم اللي بيدور في إطار كوميدي".
مؤكدا أنا مش مع تسميتها ألفاظ خارجة لأنها ممكن يكون فيها إيحاءات ولكن مش ألفاظ خارجة احنا دايمًا بنراعي بنقدم الفيلم ده لمين وده مش أول جزء لولاد رزق وفي الأخر فيه رقابة لحد عمر 16 سنة ولو كان في حاجة مكنتش نزلت من الأول".
فيلم ولاد رزق 3
جدير بالذكر أن فيلم «ولاد رزق 3» يضم على عدد كبير من نجوم الفن، منهم: أحمد عز، عمرو يوسف، كريم قاسم، آسر ياسين، محمد ممدوح، ماجد الكدواني، رازن مغربي وعدد كبير من الفنانين كضيوف شرف، أبرزهم كريم عبدالعزيز والعمل من تأليف صلاح الجهيني، وإخراج طارق العريان.