زوايا التصوير والإضاءة السبب في ظهور وزني الزائد.. أبرز تصريحات راندا البحيري
وجهت النجمة راندا البحيري رسالة لجمهورها بعد تصدرها التريند في الأيام الأخيرة بسبب ظهور وزنها الزائد ، ذلك بعد ظهورها في بعض البرامج.
راندا البحيري توضح حقيقة طلبها العمل في التمثيل
ونشرت الفنانة راندا البحيري عبر حسابها الرسمي بموقع التواصل الإجتماعي "فيس بوك": "اطمنوا عليّ ،أنا كويسة جدًا الحمدلله ، إللي كان مخليني مش فرحانة فتره طويلة ان كان فيه أسرار كتير و حاجات مقولتهاش لبني آدم، و حاولت أقولها لناس معينة بس معرفتش ، ولما خرجت مني للناس القريبين الطيبين ارتحت الحمدلله جدًا"، وتابعت قائلة : "إنما فكرة الشغل و كده أنا مش بشتكي أساسًا و لا عايزه حاجه من حد و الحمدلله أنا حالتي المادية كويسه جدًا و شغاله في حاجات كتير تانيه غير التمثيل".
راندا البحيري توضح سبب زيادة وزنها
وعن زيادة وزنها قالت البحيري: " بالنسبه للوزن الزائد إللي ظهرت بيه في حلقة الإعلامية الجميله أوي مروة صبري ، أنا كنت خارجه من دور برد قاسي قعد معايا شهر خدت فيه 3 علب مضاد حيوي و خدت دوا علشان اقدر أتنفس و خدت دوا للحساسية والأدوية خلت المياه تتحبس تحت الجلد ده غير أن زوايا التصوير اللي اتصورت منها كانت مش حلوة تمامًا و الاضاءة متظبطتش علي وشي صح".
وأضافت : "وانا كنت مرتبطه ب برنامجين برنامج مروه صبري و بعدها ب 18 ساعة برنامج مروة عبد المنعم علي قناة الشمس و بالرغم من ان الوزن الزائد مش حاجه المفروض أطلع أبررها".
راندا البحيري تؤكد نزول وزنها بعد 48 ساعة من التصوير
واختتمت حديثها قائله : " أنا حبيت أوضح مش أبررعلشان لاحظت إن فعلًا فيه ناس خافت عليّ و فيه ناس تانيه ابتدت تطلع إشاعات ان فيه عندي حاجه اكبر من كده بس الحمدلله أنا بطمنكم مفيش اي حاجه ، واصلا المياه اللي تحت الجلد دي نزلت بعد تصوير البرنامج ب ٤٨ ساعه وانا دلوقتي حالا أحسن بكتير اوي اوي".
أعمال راندا البحيري القادمة
وعلي الصعيد الآخر تنتظر راندا البحيري عرض مسلسل “شمال إجبارى” ، هو من بطولة كل من : رندا البحيري ، صلاح عبدالله، هاله فاخر، فراس سعيد ، عماد رشاد ، سامح الصريطي، منير مكرم ، نوليا مصطفي اخراج محمد خضري تاليف خالد الغيطاني ، ومن المقرر عرضه خلال الفترة المقبلة.
اقرأ ايضًا:
لو لم تكن ممثلة.. راندا البحيري تكشف عن مهنة تتمنى امتهانها واحتفلت بشم النسيم علي طريقتها الخاصة
راندا البحيري: مفيش حد مبيعرفش ياخد حقه دلوقتي وأنا بحترم قانون بلدي