فيفي عبده تتحدث عن أسرار في حياتها الشخصية لأول مرة (فيديو)
فيفي عبده.. تصدرت الفنانة فيفي عبده، تريند جوجل، وذلك بعد بعد ظهورها أمس في برنامج كلام الناس، مع الإعلامية ياسمين عز، بعدما تحدثت خلال اللقاء عن كواليس ولادتها لابنتيها عزة وهنادي، بجانب حديثها عن رأيها في رشاقة جورجينا، وغيرها من الأمور، التي نرصدها لكم في السطور التالية.
كشفت الفنانة فيفي عبده، عن سبب معاناتها أثناء ولادتها لابنتيها عزة، وهنادي، لافتة إلى أنها خلال ولادة ابنتها عزة ظلت في المستشفى من الساعة الثامنة مساءً، إلى الساعة السادسة مساء اليوم التالي.
فيفي عبده توجه نصيحة للسيدات في فترة الحمل
وطالبت فيفي عبده، السيدات بضرورة ممارسة التمارين الرياضية أثناء فترة الحمل، وطالبتهم بضرورة الرقص الشرقي، وأنها رقصت بعد ولادتها لابنتها هنادي، مُضيفة:"أنا فضلت أرقص لحد ما كنت في الشهر السابع، وبعد ولادة هنادي رقصت بعد ما عديت الـ 40".
كما كشفت عن موقف طريف تعرضت له في بداية زواجها خلال حملها، حيث كانت تعتقد أن المرأة تنجب من رجلها، مُضيفة:" في بداية جوازي وأنا صغيرة أمي كانت مفهماني إننا بنخلف من ركبنا ولما كنت حامل أول مرة في بنتي عزة كنت متخيلة إني هقعد وهياخدوا البيبي من رجلي".
فيفي عبده تتحدث عن رشاقة جورجينا
كما تطرقت للحديث عن رشاقة جورجينا صديقة لاعب نادي النصر كريستيانو رونالدو، بالرغم من إنجابها 4 أطفال، قائلة:"جورجينا دي خلفت 4 عيال عارفة إيه اللي حصل بعد ما خلفتهم بطنها لزقت في ضهرها مفيش بطن، وأنا شاكة في إيه أن بعد ما بتخلف آخر عيل بيقوم الدكتور في نفس العملية بيشهدلها وده بيحصل دلوقتي وهم عندهم التكنولوجيا والتقدم كله في أمريكا بقى وإسبانيا وفي كل حته".
وأكدت فيفي عبده على أن الموضة حالياً للمرأة ليست القوائم الممشوق، مُعلقة:" اللي بيخسسوا ونحتوا نفسهم دول، ربنا يديكي لحم وإنت تشيليه، الموضة اللي داخلة علينا هي المدملكة اللي زيي".
كما علقت فيفي عبده على نحافة كيم كارداشيان بطريقة ساخرة، مُتابعة:“فيه ميكانيكي تحت رجليها عشان كده محافظة على مظهرها، وهي كاريزما، وكلهم بيقلدوها، وجورجينا كمان لذيذة”.
فيفي عبده تكشف تعرضها لأزمة صحية
كما تحدثت أيضًا عن مرضها، لافتة إلى أنها تعاني من مشكلة في ظهرها، منذ أن كانت تصور مسرحية «حزمني يا»، لافتة إلى إنها خضعت لعملية جراحية في فقرات ظهرها خلال الفترة الماضية، وأن حالتها الصحية أصبحت جيدة حالياً، وأن تلك الأزمة بسبب أخذ «حقنة» خاطئة في ظهرها، مُعلقة:"جوزي كان السبب عشان كده زعلانه منه أوي، جوزي قال لي سيبي الراجل هو عارف شغله، زعلانة إنها جت من جوزي، أنا قلت للراجل إن ده مش مكان الإبره اللي مفروض تكون فيها، جوزي قال لي سبيه هو عارف شغله، وبسبب الجملة دي ضعت فيها، أديني سيبته ضيعني في أبونكلة، تقريباً مس عرق النسا، بقالي 4 سنوات بعاني".
فيفي عبده: أفضل صداقة الرجل عن المرأة
وأكدت الفنانة فيفي عبده، على أنها تفضل صداقة الرجال عن صداقتها للنساء، لأنهم يعاملونها كاخت لها، مُضيفة:" أنا أحب الرجالة جدًا، أصاحب الرجالة ومصاحبش الستات، يضيعوكي، الرجالة بيعاملوكي زي أختهم، وجواهم صدق، مش غيرانين منك، مش متضايقين منك، مش بينخربوا وراكي، عشان كده بقول دايمًا الست تخلي بالها من الست اللي زيها، مش من الرجالة".
وأشارت فيفي عبده، إلى أن الرجل يفضل أن تجيب كل أوامره، مُعلقًا :«الراجل سي السيد في البيت، الراجل بيحب الست اللي تعمله كل حاجة تبقى غسالة وطباخة وتعمله كل حاجة بيحبها».
اقرأ أيضًا:
مؤامرة كبيرة.. فيفي عبده تكشف سر غيابها عن الدراما
فيفي عبده: الراقصة مش سيئة السمعة وأنا حجيت 5 مرات والراقصات دلوقتي بزمبلك