أرفض التلحين لعمرو دياب وهاني شاكر ضحك وشيرين قفلت السكة في وشي .. تصريحات نارية للملحن طارق فؤاد

حل الملحن طارق فؤاد الليلة ضيفا في برنامج العرافة للإعلامية بسمة وهبة المذاع علي قناتي المحور والنهار وفيما يلي نستعرض لكم أبرز تصريحات الملحن طارق فؤاد في برنامج العرافة.
وعن إتهامه بالغيرة من نجاح مدحت صالح رد الملحن طارق فؤاد :"احنا طالعين مع بعض وانا مفيش حد بينافسني أنا في حتة تانية لوحدي ، ومدحت أعماله اكتر مني بكتير ، وزعلت منه لما طلع في برنامج أنغام، ومدحت اصلا قريبي".

تفاصيل مرض طارق فؤاد

كشف الملحن طارق فؤاد عن مرضه وهو فقدانه لصوته فجأة وقال الأطباء انه بسبب حساسية الصدر التي لديه وبخاخات "الكورتيزون" وأضاف "صوتي رجع لما مدحت سيدنا النبي ، وتامر حسني وقف معايا في الفترة دي وأحمد زاهر ، و زعلت جدا من مدحت صالح لانه مسألش عليا ولا اتصل بيا وقت مرضي ، وببعت جمعة مباركة لمدحت صالح وعلي الحجار ومحدش بيرد عليا".

شيرين قفلت السكة في وشه

كشف الملحن طارق فؤاد ان الفنانة شيرين عبد الوهاب "قفلت في وجهه السكة" وأوضح :"انا اللي لحنت اغنية كان نفسنا وهي اول اغنية ظهرت فيها شيرين وانا اللي اخترتها عشان تغني هي وطفل تاني ، وبعد ما اتشهرت قفلت السكة في وشي ، وبعدها اتقابلنا في عيد ميلاد وقالتلي متزعلش مني مش هعمل كدة تاني".

أرفض التلحين لعمرو دياب

تحدث الملحن طارق فؤاد عن رفضه التلحين للفنان عمرو لدياب لأن ألحانه لا تتوافق مع عمرو وتابع :" انا لما اجي الحن هلحن للصوت اللي بحبه ، وأنا عندي إستعداد الحن لتامر ومعملش لحن لعمرو دياب ، وأنا عاتب علي أنغام وسميرة سعيد وأمال ماهر عشان مش بيخلوني أعملهم ألحان ونفسي احس اني بلحن وبشتغل عشان انا مش عارف أغني".

هاني شاكر ضحك عليا

أعرب الملحن طارق فؤاد عن غضبه من الفنان هاني شاكر بسبب عدم وقوفه بجانبه اثناء فترة مرضه وانه وعده بمساعدته ولم يفي بوعده وعلق :"انا بعتذر لهاني شاكر عن التصريح اللي قولته قبل كدة ، ومصطفي كامل جاب لصندوق النقابة 100 مليون جنيه من مطربين المهرجانات".

بليغ حمدي خنق عبد الحليم

تحدث الملحن طارق فؤاد عن ثقة الملحن الكبير بليغ حمدي به ثقة كبيرة وأوضح :"بليغ حمدي كان بيثق فيا جدا وكان بياخد رأيي في اغنية أنا من البلد دي وأنا كنت لسة علي قدي وعندي عربية بسيطة ، وفي مرة كان عبد الحليم بيغني مع الفرقة وخرج عن المقام ، وبليغ حمدي مسك عبد الحليم من الكرافته وكان هيخنقه ، وعبد الحليم قال له قسما بالله مش هعمل كدة تاني".

اقرأ ايضا

وفاء مكي مش بريئة .. أبرز تصريحات ميار الببلاوي في برنامج العرافة

”بصراحة ساعات بلقح يعني أموت مجلوطة ؟“ .. أبرز تصريحات أيتن عامر في برنامج العرافة