هدى تكشف عن أسرار فى حياتها الشخصية

تحدثت المطربة هدى عن حياتها الشخصية وأزماتها المادية التي تمر بها، خاصة أنها تنتج لنفسها هذه الفترة.

قالت هدى: "يقال عني إني زي المطرب حكيم ولكن النسخة النسائية وهذا شرف لي، ولكن مسيرتي الفنية تعطلت لأني أنتج الأغاني لنفسي، وأمر بأزمات مادية زي كل الناس"، وذلك خلال لقائها مع ياسمين عز في برنامج "كلام الناس" المُذاع عبر شاشة "MBC مصر".

وتايعت: يمر عليا وقت مش بيكون معايا مليم ولا فلوس أدفع الدرس لبنتي ومصاريف المدرسة ولو حد من برا وشاف إني عايشة في بيت كويس ومعايا عربية كويسة مش هيصدق إني مش معايا فلوس.

واستكملت: أنا زي الناس أحيانًا بيبقى عندي ظروف صعبة، عندي حياة ومسؤوليات وبنتي، وعندي مصاريف دروس ومدرسة، أحيانا بكون بين نارين هتدفعي مصاريف المدرسة ولا هتعملي أغنية، أكيد هدفع المصاريف، مفيش اختيارات، فبالتالي بتأخر عن الشغل، وماحدش بيصدق غير اللي محطوط في الظروف، لو أنا في حد محتاج حاجة وأنا مش معايا غيرها مش بحوشها، وربك بيفرجها، بتتراضي بتتراضي.