ميار الببلاوي تكشف كواليس خلافها مع نجلاء فتحي: قالتلي أحنا بنصوم ليه رمضان دا بتاع الفقراء

كشفت الفنانة ميار الببلاوي كواليس موقف حدث بينها وبين النجمة الكبيرة نجلاء فتحي، عندما رفضت الأولى تصوير مشهد جريء في فيلم “ديسكو ديسكو” قبل أذان المغرب في شهر رمضان.

قالت ميار خلال لقائها في برنامج “قعدة ستات”، الذي تقدمه الإعلامية مروة صبري، على شاشة القاهرة اليوم: “أنا قولت للفنانة نجلاء فتحي أنا مش عايزة أصور مشهدي مع عمرو عبدالجليل”، ردت قالت: “بصي يا حبيبتي، رمضان دا بتاع الناس الفقراء، الناس اللي هما الأغنيا بيعملوا نفسهم إنهم مش بياكلوا علشان قدام الناس الفقراء، احنا بنصوم ليه؟”.

وأضافت: “نجلاء فتحي كانت عايزة تقنعني بالمشهد”، وقالتلي: “الموضوع مش محتاج تعطلينا وتأخرينا وخشي أعملي المشهد”.

وتابعت ميار: “أستاذة نجلاء فتحي حبيبتي واستاذتي بس هي كانت بتقنع عيلة صغيرة تعمل المشهد قبل الفطار”.

يذكر أن فيلم “ديسكو ديسكو”، بطولة نجلاء فتحي، محمود حميدة، شريف منير، محمد متولي، وفاء عامر، عبدالله محمود، ميرنا وليد، عمرو عبدالجليل، تأليف عبدالحي أديب، إخراج إيناس الدغيدي.