أحمد فتحى يروى أسرار عن حياته الشخصية

حبس الفنان أحمد فتحي، دموعه خلال حديثه عن زوجته، في برنامج "سهرانين" على قناة On E مع الفنان أمير كرارة.

وقال أحمد فتحي: "اتعرفت على زوجتي في كتب كتاب صاحبي، هي هادية جدًا وأنا مجنون".

وعن الفترات الصعبة التي مروا بها، تحدث أحمد فتحي: :في وقت سيبت مصر والتمثيل ورجعت تاني، ولما جه عيد الحب كنت عايز أجيب هدية لمراتي ومكنش معايا فلوس خالص، واشتريت كوباية صغيرة كده وكتبت عليها أبيات شعر لمراتي عليها لأني بحب الشعر جدًا".

وأضاف: "قرأت لها الشعر، والكلام اللي كتبته كان مهم بالنسبة لي، وأحيي مراتي إنها استحملت معايا كتير".

وتابع أحمد فتحي: "وأنا في تانية إعدادي اشتغلت يوم واحد في بوفية نادي الترسانة، لأنها كانت شغلانة متعبة جدًا، وكنت ساعتها تخين وبتعب من أقل حاجة وكنت عايز أشتغل زي أصحابي في الصيف، وأصحابي اقترحوا عليا إني اشتغل على عربية كبدة ووافقت، واشتغلت على عربية الكبدة حوالي 3 أيام".

يذكر أن اخر أعمال أحمد فتحي مسلسل "اللعبة 3" الذي ضم العمل العديد من النجوم، منهم: هشام مجدي، شيكو، أحمد فتحي، مي كساب، ميرنا جميل، محمد ثروت، سامي مغاوري، عارفة عبد الرسول، أوتاكا، وبيومي فؤاد وغيرهم، وإخراج معتز التوني.