حمو بيكا يغازل زوجته بإطلالة رومانسية تجمعهما

غازل مطرب المهرجانات حمو بيكا زوجته من خلال مجموعة صور جديدة نشرها عبر حسابه علي موقع تبادل الصور والفيديوهات "إنستجرام".

وظهر بيكا في أحد الأماكن السياحية برفقة زوجته بإطلالة رومانسية خلال الإجازة الصيفية وعلق قائلا "كل حياتي"

ووجه مطرب المهرجانات حمو بيكا، رسالة لـ هاني شاكر نقيب المهن الموسيقية قائلا “يا جماعة ياريت نفهم إن أنا موجوع وتعبان ، كفاية تنـمر عليا، اتنـمر عليا مرة واتنين وتلاتة و لسه فيه ناس بتتنمر عليا.. بتتنمروا عليا لحساب مين؟!.. أنا بني آدم زي زيكم والله”.

وتابع: “الأستاذ هاني حضرتك كنت في ندوة واتنـمر عليا وأنت أخويا الكبير وأنا مسامح والله بس كفاية بالله عليك، أنا أه مش بعرف أقرأ وأكتب بس ربنا خلقلي قلب أحس بيه، كفاية تجرحوني ، مش كل واحد يبقى عنده سلطة يتحكم في البشر؟!”.

وأضاف: “أنا 5 سنين بعاني وبعافر بس هما شايفين إن إحنا مبسوطين وفرحانين ، لا أنتوا اللي مبسوطين وإنتوا اللي معاكم ومعاكم كتيييير وعندكم كتيييير بس عمرنا ما بصينالكم.. هو ليه لما يكون معايا حاجه حد يبصلي فيها و عايز يأخدها ؟! ده غير مرضي اللي بدفعله في الشهر كتير أوي..”.

وأكمل بيكا: “حسوا بيا ، لو غلطت في حاجه تعالي و حاسبني و علمني الصح من الغلط .. فاتح بيت و عندي أسرة و عندي مسؤوليات كتير محدش يعلم بيها إلا ربنا ،، ارجوكم كفاية ”.

واختتم: "ياريت تحكموا بينا بالعدل زي ما ربنا سبحانه وتعالى بيقول : " وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ.. و كفاية تنمر عليا و افتكروا كلام ربنا :" يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ “ .. و في النهاية شكراً لكل حد بيدعمني و بيحبني".