هشام ماجد يتحدث عن بدايته الفنية وعلاقته بـ شيكو وأحمد فهمى

كشف الفنان هشام ماجد عن كواليس انطلاقته الفنية في عالم الفن وعلاقته مع الفنانين شيكو وأحمد فهمي.

وقال هشام ماجد إن نقطة البداية كانت دراسة هندسة ولكنه لم يكن يحبها وفي أخر دراسته كانت لديه رغبة في التمثيل، و بدايته كانت في شارع الفن فكان يؤلف ويصور الفيلم بكاميرا فيديو.

وأضاف هشام ماجد، خلال لقاءه ببرنامج "ع اللوكيشن" على راديو هيتس: "تركت الهندسة بعد فيلم "سمير و شهير و بهير"، و لما بلاقي الطريق قدامي مقفول بعافر وبحاول تاني، و في أفلام بتقعد معانا سنين علشان نعملها زي فيلم (الحرب العالمية التالتة)".

وتابع: "بنزيني طول الرحلة هما أصحابي "شيكو و فهمي كنا دايما بنشجع بعض وبنكمل بعض والناس ابتدت تتصور معانا من أيام فيلم (رجال لا تعرف المستحيل).

وعن أهم محطات حياته قال: "كانت فيلم (ورقة شفرة) أما فيلم (الحرب العالمية التالتة) كان أكبر نجاح وأول محطة جابت إيرادات كتيرة أما فيلم (حملة فريزر) كانت محطة الانفصال الثلاثي.. وأول محطة لوحدي كان فيلم (حامل اللقب)، وشيكو هو اللي معايا من أول الطريق لحد دلوقتي".

واختتم قائلا: "أمي ومراتي وبناتي أكتر ناس بتخاف عليا أكتر من نفسهم كمان وهوقف الطريق وهقفل الشارع علشان أتصور مع دكتور مجدي يعقوب".