شيرين رضا تهاجم منتقدى المشاهد الساخنة في السينما: مش عارفين ايه اللي بيحصل فينا وراء الكاميرا

هاجمت الفنانة شيرين رضا، منتقدى المشاهد الساخنة بالأعمال السينمائية والدرامية، وتحدثت عن رأيها في هذه المشاهد.

وقالت شيرين رضا: "المشاهد الساخنة كانت في الستينيات، الموضة دلوقتي الأكشن، والمشاهد الحميمة بين رجل ومراته، معدتش بتتكتب في السيناريوهات».

وأضافت شيرين رضا: «ما تزعلوش مننا، الناس بتنتقد الفنانين، لكن مش عارفين إيه اللي بيحصل فينا ورا الكاميرا، المشاهد مش حقيقية ".

وتابعت: "هما بيشوفوا المشاهد بس، أنا مش مبسوطة أن الناس بتنتقد الفنانين، إحنا في الآخر بنقدم فن، وعيب أننا نشتم".

واسترجعت شيرين رضا، ذكرياتها فى مرحلة الطفولة والمدرسة.

وحكت شيرين رضا في لقاء تلفزيوني سابق لها على قناة MBC 1 من خلال برنامج «بصراحة مع» خلال حلقة جمعتها مع الفنانة يسرا، أنها منذ طفولتها فى المدرسة وهى تحب التغيير فى شكلها وشعرها، وكانت تحب أن تستخدم ألوان شعر جريئة مثل: الأحمر والبرتقالي الفاتح واللون الأزرق.

وأضافت شيرين رضا: "وأنا في المدرسة لميت شعري كله لفوق وحلقت الحتتين دول لورا ودني حلقتهم بالموس لوحدي، وعملت هنا أخضر وهنا أزرق وفوق أحمر".