مطاردة زوجية.. شيرين عبد الوهاب تكشف أسرار عن حياتها مع زوجها وسر غيابها عن الأعمال الفنية

اثارت الفنانة شيرين جدل واسع بعد كشفها العديد من أسرارها الشخصية والمهنية، وكواليس لا عن زوجها وبناتها حيث قالت : "عملت مطاردة في الشارع وراء واحدة كنت شاكة إنها على علاقة بجوزي علشان أقولها مشيتِ ليه؟ كنت خليكِ معاه".

وأضافت خلال لقائها ببرنامج "كلام الناس" المذاع على قناة "إم بي سي مصر": "كانت بتجري وأنا بجري وراها ولما حصلتها قلت لها ليه مشيتِ كنتِ كملتِ وقعدتِ معانا".

وتابعت: "قلت لجوزي لو أنا مش عاجباك هات واحدة تقعد معانا، وكان بيتخض ولونه بيصفر لما بيلاقيني مش غيرانة عليه".

وقالت الفنانة شيرين في نفس اللقاء: "لا أمانع في المشاركة بأي عمل فني بشرط أن يكون جيدًا ويحمل رسالة، ولو فيه دور عجبني ممكن أعمله ببلاش".

وأكدت : "بسبب كلام الناس بنتي اتخانقت مع اتنين قالوا عليا كبرت ومبقتش حلوة".

وأضافت: "في مرة كنا في السوبر ماركت وبعدين كان فيه 2 ستات لطاف طلبوا يتصوروا معايا وبعدين لقيت ميريت بنتي بتقول لأ فقلت لها عادي يعني، وبنتي قالت لهم مش انتو كنتوا بتتكلموا عليها وبتقولوا إن ماما وحشة وكبرت ومش زي ما بتطلع في التليفزيون، أنا بنتها وسمعتك".

وتابعت: "فيه ناس تعتقد أنني اعتزلت التمثيل ويطلبوا مني العودة للمشاركة في أعمال فنية وأؤكد لهم أني لم أعتزل بعد".

وقالت: "رفضت 5 أعمال فنية الصيف الماضي، ولو أنا ما احترمتش نفسي مش هلاقي اللي يحترمني".

وأضافت : "حد كلمني وقال لي احنا محتاجينك معانا فقلت له طبعًا ابعت لي السيناريو فقال لي معلش أنا مزنوق جدًّا في الوقت وعايزين نبدأ التصوير بعد يومين، فكانت الطريقة مش كويسة فرفضت الاشتراك في العمل".

ولفتت:"مفيش حاجة اسمها دور صغير ودور كبير ولكن فيه دور حلو ودور وحش، وممكن أطلع ضيفة شرف بس تكون التجربة حلوة".

وتابعت: "جسدت 4 مشاهد مع تامر حسني وهما أفضل عندي من دور بطولة مع نجمة لم تحترم تاريخي، وأنا بقول له إلى الأمام ومن نجاح لنجاح وهو بيهتم بالتلحين والكلمات والإخراج والكتابة وبيحدث في نفسه دايمًا ودي حاجة كويسة"