حسن شاكوش: أمى عندها سرطان وبتتأثر بكل اللى بيحصلى

حل مطرب المهرجانات الشعبية حسن شاكوش، ضيف مع الإعلامية ياسمين عز، في برنامج كلام الناس، المذاع عبر شاشة MBC مصر، وكشف من خلالها عن تعرضه
لأزمات في حياته الشخصية لأول مرة، مشيرا إلى معاناة والدته مع مرض السرطان، وحزنها عليه بسبب أزمته الأخيرة.

وقال : أمي بتدعي لي، وبتقولي إن ربنا هيقف معايا وهيكرمني لأني مش بظلم ولا بسيب حد في ضيقة، وأنا زعلان عشان أمي عندها سرطان.

وواصل شاكوش: أمي بتتأثر بأي حاجة بتحصل معايا، وأنا مش بحب أتكلم عشان محدش يفتكر أني بتاجر بمرضها، وهي كل حاجة في حياتي وبقولها ربنا يخليكي ليا، وكل الخير اللي أنا فيه أنتي السبب فيه طبعا، وبأكد لها أني هرجع أحسن من الأول.

وجدير بالذكر أن حسن شاكوش يعيش حالة من النشاط الفني، حيث طرح العديد من الأغاني وأحيا الكثير من الحفلات، وكانت أغنية وياك آخر أغانيه، وهى من توزيع إسلام ساسو، ونالت الأغنية إعجاب الجمهور، حيث تخطت حاجز الـ 2 ونصف مليون مشاهدة، منذ طرحها على موقع الفيديوهات يوتيوب.