زوجة يونس شلبى ونجلته يكشفان أسرار جديدة عن الراحل

كشف أرملة يونس شلبي وابنتها عن أسرار وحكايات الراحل يونس شلبى، عند حلولهما فى ضيافة برنامج يحدث في مصر، الذي يقدمه الإعلامي شريف عامر، وكشفت خلال لقائها تفاصيل زواجها، ومرحلة علاج الفنان الراحل يونس شلبي وحقيقة بيع أملاكه.

وقالت زوجة الراحل اتعرفت على يونس عن طريق ابن عمي وهو متجوز أخت يونس الكبيرة، وكان عنده 45 سنة وأنا كان عندي 20 سنة فرق السن بينا مخوفتنيش، وأسرتي وأسرته مرتبطين جدًا ببعض، ويونس كان إنسان طيب وبنات الريف بيحبوا الحنين.

واضافت: أول ما تذاعت مسرحية مدرسة المشاغبين كنت بحب اتفرج عليها عشان كان بيضحكني، والمرض كان أصعب حاجة، لأن كان ولادنا صغيرين وكانت بنتي الكبيرة في ثانوي، وبعت كل أملاك يونس علشان مصاريف علاجه كانت كتير أوي، وفي ناس ما زالوا بيسألوا عن يونس، وفيه ناس بتحسبه لسه عايش، وكان دايما يسأل على زمايله قبل رحيله.

واشارت يونس شلبي غير منسي وما زالت بحس بوجوده، وأنا عايشة بمعاش النقابة، وكفاية طبطبة ربنا علينا.

وقالت نجلته أيضا: شرف لي أن أكون ابنة الفنان يونس شلبي وبيقولولي ضحكتي شبه ضحكته، وبابا قبل ما يتوفى اشتغل في عمل مع سمير غانم وكنت أول مرة أشوف سمير غانم وحبيته أوي، والكلام اللي بيتذكر على لساني إني مستاءة من عدم تكريم والدي، غير حقيقي وغير صحيح، وأصحابي كانوا بيحبوا بابا أوي، وكانوا بيقولولي باباكي عمل مسرحية كذا أو مسلسل كذا.