المعركة مستمرة.. حمو بيكا يهاجم عمر كمال: عملتلك بلوك وأنا السبب فى نجاحك
هاجم مؤدى المهرجانات حمو بيكا صديقه المطرب عمر كمال ، وذلك عقب طرحهما مؤخرا أغنية مستفزة.
وقال حمو بيكا في فيديو نشره عبر حسابه الرسمي على إنستجرام :" أنا عملت لعمر كمال بلوك من عندي، ونزلت دلوقتي الأغنية مع نور التوت والشخصية التالتة دي".
وأضاف حمو بيكا ": انت بقيت تشوف نفسك على الناس وانا بقى مش الناس دي، انا السبب في نجاحك بعد ربنا وأول واحد خليتك تغني ".
وقال حمو بيكا في فيديو عبر صفحته الرسمية على موقع التواصل الاجتماعي إنستجرام :" من شهر عمر كمال جابلي شاعر وقالي عاوزين نعمل أغنية جديدة؛ وبالفعل وافقت وخلصنا الأغنية بعدها ؛ وهي جاهزة من شهرين او ثلاثة علي حد قوله ".
أضاف :" قولتله هننزل الاغنية امتي ؛ قالي انا عندي أغنية مع شيماء المغربي هنزلها وبعدين هننزل باغنيتنا دي وبالفعل اول لما نزل الأغنية باركتله وشيرتها عندي ".
تابع :" انتظرت ٢٠ يوما وكلمته تاني ؛ قالي لما أرجع من السفر هكلمك ؛ ولكن اتفاجات انه قام بطرح اغاني جديدة له ولم يهتم باغنيتي او يرد عليا ".
أكد ": قابلته في عيد ميلاد احد اصدقائنا وقولتله عاوزين ننزل الأغنية قالب ماشي ؛ ولكنه لم يرد علي إتصالاتي مرة اخري واتصلت بيه اكتر من ٦ او ٧ مرات ".
وأختتم : يا خسارة العيش والملح اللي كلتوا معاك، أنتوا ميمشيش معاكوا الإنسان الطيب، ومتفكرش لما تنشر الأغنية دي أنها هتروح، أنا ممكن أخش امسحها دلوقتي ولا يهمني.. مع السلامة يا صحاب مزيفة".