أحمد آدم يدعم معلمة المنصورة صاحبة الفيديو الراقص: اللي صور المفروض هو اللي يتحاسب

حرص الفنان أحمد آدم على دعم معلمة المنصورة، التي تعرضت لأزمات بعد انتشار فيديو لها وهي ترقص في رحلة نيلية مع زملائها.

وخلال لقائه مع برنامج "كلام الناس" الذي تقدمه الإعلامية ياسمين عز عبر قناة MBC مصر قال أحمد آدم إن الخطأ يقع على مصور الفيديو الذي نشر الفيديو عبر مواقع التواصل الاجتماعي مطالبا بمحاسبته.

وأضاف آدم "لمفروض يعني نعمل إيه؟، اللي بيضايقني إنه بيتم اتخاذ إجراءات ضد شخص مش من المفروض اتخاذ أي إجراء ضده، يعني المعلمة يتم اتخاذ إجراءات ضدها ليه؟ اللي صور المفروض هو اللي يتحاسب، الحرية مسئولية"

واستهجن أحمد آدم موقف زوجها بشأن طلاقه لها فور انتشار الفيديو قائلا "هي وجوزها أتمنى يرجعوا لبعض، هو عمل موقف مش حلو إنه طلقها، هل طلقها عشان الناس عرفت ولا عشان الموقف نفسه، ده موضوع بقاله شهر وأكيد سمع عنه، ومش بعيد تكون ورته صورة وهي بترقص، مش رجولة إنك تطلقها".