أحمد عيد يكشف سر غيابه عن الفن

رد الفنان أحمد عيد على ما تم تداوله فى الفترة الأخيرة حول تصريحات منسوبة اليه بعدم مشاركته فى أعمال جديدة، عبر صفحته على موقع التواصل الاجتماعى فيسبوك

وقال أحمد عيد : "أنا مش بحب أعلق على الحاجات اللي من النوع دا بس عشان بشوف البوست دا كتير".

وأضاف أحمد عيد : "أولاً الكلام دا من 5 سنين في عرض فيلم ياباني اصلي وكان رد علي سؤال انت غايب ليه ومبنشوفكش كتير فكان ردي في سياق معين والجملة مش كاملة ومش مقصود بيها التأكيد ان محدش بيشغلني لأنها مينفعش تتقال بالشكل ده".

وأشار أحمد عيد: "غير كدة إن أنا في الحقيقة مبشتغلش أي حاجه ومش فارق معايا تواجدي بشكل دائم عمال على بطال، أنا هشتغل الحاجات اللي أنا مقتنع بيها وشايفها مناسبة ليا".

وأنهى أحمد عيد حديثه: "معلش انا بس حبيت اقول الكلمتين دول وليلتكم سعيدة ويارب منشوفش البوست ده تاني".

وكان أخر أعمال أحمد عيد فى السينما "خلاويص" والذى قام ببطولته مع كل من آيتن عامر وأحمد فؤاد سليم وطارق عبد العزيز ومحمد حاتم ومحسن منصور وتأليف لؤى السيد وإخراج خالد الحلفاوى.