مفاجأة.. نقابة الموسيقيين تمنع مطرب شهير من الغناء: متخلف عن التجنيد
كشف مطرب المهرجانات مصطفى زكريا محمد الشهير بمسلم عن حزنه و شعوره بالظلم بعد قرار وقفه من نقابة المهن الموسيقية.
قال مسلم أثناء مداخلة هاتفية مع برنامج MBC Trending "أنا الوحيد اللي اتظلمت من القرار دة الله اعلم بالباقي بس انا مستحقش أن اسمي يتحط بالشكل دة ولا أتوقف أنا جاهدت في المهنة دي ومن صغري وانا بتعب واشقى علشان اعمل الكيان دة فحد يوقفني في ثانية كل حاجة تبوظ"
وتابع "أنا كبير عيلتي وأنا المسؤول وأنا مش مغني مهرجانات أنا في مسرح سيد درويش بالاسكندرية ووالدي مغني قديم وحاجة واحدة اللي شهرتني في المهنة دي اني غنيت تراك مهرجانات"
وأضاف "أنا غنيت تتر مسلسل موسى وفيلم ماكو ومسلسل المداح مع حمادة هلال وعملت حاجات كتير فكنت اتمنى أن يبقى في حاجة افضل من كدة وهما كلموني من النقابة علشان ورقي وانا بخلصه بس كل لما اكلم حد يقولي موضوعك مع النقيب وأنا مش عارف انا عملت ايه ومش عارف ليه مش حاببني مع اني معملتش أي حاجة وبدعي أن الأمور تتصلح لأن حالي موقوف"
كما رد المايسترو أحمد رمضان سكرتير نقابة الموسيقيين عبر مداخلة هاتفية قائلًا "بقاله أكتر من سنة بيقول بيحضر أوراقه وأوراقه مش هتخلص غير لما يتم 31 سنة لأنه متخلف عن التجنيد
وتابع "أنت معندكش مستند بيقول أنك بتدرس أو بيبين موقفك من التجنيد ودة مستند مهم بالنسبالي لملف العضوية"