عمر كمال يدعم صديقه حسن شاكوش: ربنا يفكها عليك
حرص مؤدي المهرجانات عمر كمال على دعم زميله وصديقه حسن شاكوش بعد أزمته مع نقابة المهن الموسيقية ودعا أن تمر على خير ويعود للغناء من جديد.
وأدى عمر كمال مناسك العمرة وشارك جمهوره بصور له من هناك نشرها عبر حسابه على فيس بوك، وتلقى تعليقا من أحد متابعيه يقول له أنه يدعو أن ينصره الله على حسن شاكوش.
ورد عمر كمال عليه بفيديو ظهر فيه يدعو لشاكوش قائلا:"ربنا يفكها عليك يا حبيبي وترجع وربنا يرزقك برزق أخواتك ووالدتك ويحنن كل القلوب عليك، يارب يفكها عليك وترجع أحسن من الأول علشان أنت طيب وفيك شيء لله وأنا أكتر حد عارف ده يا حبيبي".
وتابع في دعائه: "بدعيلك يا حبيبي والله العظيم ودعيتلك كتير أوي أن ربنا يفكها عليك ويكرمك ويصلح حالك وميشمتش حد فيك ويديم نعمته وستره عليا وعليك".
وكان الفنان هاني شاكر نقيب المهن الموسيقية ومجلس النقابة أصدروا قرارا بوقف حسن شاكوش سحب ترخيصه نهائي.
وصرح هاني شاكر، خلال الأيام الماضية: "إحنا مش ناقصين في الوسط الفني هذه النوعية الغريبة من الفن.. بناقص حسن شاكوش".
يذكر أن حسن شاكوش ظهر في بث مباشر عبر صفحته على "فيس بوك" وبرر خلاله موقفه وقال "أنا مقدرش أغلط في الفرق الموسيقية، اسألوا أي فرقة أنى مقدرش أغلط في أي حد من الفرق الموسيقية، أنا طلعت مع كل فرق مصر".
وتابع: "أنا بقول للناس أنا عمري ما أغلط في أي عازف ولا عمري ما أغلط في أي طبال ولا أي بتاع مزيكا، لانهم إخواتنا وحبايبنا، انا عامل اللايف ده علشان اوضح وجه النظر، دى أول غلط ليا من ساعة ما دخلت المجال".
