محمد محمود عبد العزيز يحيى الذكرى الخامسة لوفاة والده

حرص الفنان محمد محمود عبد العزيز على احياء الذكرى الخامسة لوفاة والده الساحر محمود عبد العزيز الذى فارق دنيانا فى نوفمبر من عام 2016 وتحل ذكرى وفاته غدا الجمعة.

وكتب محمد عبر حسابه على "فيس بوك": غداً 12 نوفمبر 2016، الذكرى رقم 5 للرحيل، للفراق، لكل معانى الألم و الاشتياق... و اه و الف اه من الاشتياق...
وتابع: نصيحه لو ليك حد بتحبه وواحشك أوى و ما زال حى يرزق روحله ماتكلموش فى التليفون و ملى عينك منه، شم ريحته و اتكلم معاه فى أى حاجه استمتع بوجوده، و لو كان بعيد أوى و صعب تشوفه اتصل بيه، اسمع صوته و سمعه صوتك حسسه أد إيه هو مهم بالنسبالك و فارقلك قوله إنك بتحبه حتى لو كانت الكلمة مالهاش مكان فى الحوار.

وأضاف: أما لو كان رحل إلى دار الحق.... اعمل زيى، اكتبله رسايل واتصل برقمه اللى ممكن يكون اتلغى بس حسس نفسك إنه لسه موجود لحد ما تروحله و تتقابلوا تانى فى مكان مافيش فيه مكان للوجع او الفراق... اسألكم الفاتحه و الدعاء لابويا و لكل من رحلوا عنا.