تامر حسنى يشارك جمهوره بصور من كواليس أغنية ”قد التحدى”

شارك الفنان تامر حسني مجموعة من الصور التى تجمعه بضيوف أحدث أغنياته المصورة "قد التحدي" التي قدمها دعما لذوي القدرات الخاصة.

وعبر حسابه على موقع الصور والفيدويوهات الشهير "انستجرام"، وعلق على الصور قائلا "بكرا التاريخ يعرفني و يشاور عليا كل ولاد مصر ووطنا الغالي قد التحدي و كنت فخور جداً و انا في وسط ابطال مصر من ذوي الهمم و تشرفت بالغناء معاهم و ليهم تضامناً مع اليوم العالمي لتحدي الإعاقه ..حقيقي أبطال تستخق الدعم مننا كلنا".

ووجه تامر حسني الشكر لجميع من ساهم في صناعة الكليب قائلا "بشكر من كل قلبي جمعية رسالة على مجهودهم الضخم وبشكر صناع الأغنيه و اي حد تعب معانا و الأغنيه دي بتخاطب كل الناس اللي من ذوي الهمم و اي شخص عايز ينجح مشكلته في ايرادته".

واختتم تامر حسني "قوم حالاً قرر إنك تنجح يلا ننجح معندناش حل غير إن كل واحد فينا ينجح في مجاله و يطور من نفسه يلاااااااا حالاً ممكن منكم مستني لحظة الانطلاق .. أنا بقولك أنا إشارة ليك و بقولك قوم حالاً خد القرار تنجح أو تغير حاجه فيك أو تتطور أو تغير كل حاجه فيك ابدأ يلا حالاً لكل اللي مستني أو مستنيه اشاره ، الاشارة جت اهي يلاا".