أسفة أرفض المايوه.. تصريحات جريئة لـ منة فضالى

اثارت الفنانة منة فضالي الجدل من خلال تصريحاتها الجريئة عن مهرجان الجونة وعن "المايوه" حيث أنها ترتديه في حياتها الطبيعية، لكن تخجل الظهور به في المشاهد السينمائية.

وأضافت "منة" خلال لقائها في برنامج "مساء DMC" مع الإعلامية إنجي القاضي: "أنا حرة في حياتي الشخصية لكن معرفش أطلع بالمايوه قدام الجمهور وأنا خاسة جدا فلو لبست مش هكون ملفتة، حتى صحابي بيقوليلي إنتي هربانة من المدرسة".

وتابعت: "أنا مش هغير مبادئي وأنا عندي دلوقتي 38 سنة، بقول سني عادي مش هنضحك على الناس، أنا داخلة مجال التمثيل 2002، وكان عندي 16 سنة، محدش يخجل من عمره، وأنا علاقتي بزملائي سطحية شوية".

وأبدت منة فضالي، رأيها على إطلالة الفنانة رانيا يوسف في مهرجان الجونة، قائلة: "رانيا يوسف كانت لابسة فستان حلو وشيك جداً فهي جريئة طول عمرها وديه أحلى حاجة فيها"، أما فستان الفنانة نجلاء بدر فقالت: "عجبني جداً ومكنش وحش بالعكس كان شيك".

كشفت الفنانة مني فضالي سبب غايبها عن المهرجانات السينمائية، خاصة مهرجان الجونة المقام حالياً في دورته الـ5.

وقالت: «أولاً أنا مش بحب أبقى متواجدة في حاجة مليش تواجد فيها، وعلشان أروح مهرجان لازم يكون عندي تكريم».

وأضافت: «أنا بقيت بشوف ناس غريبة على الريد كاربت معرفش مين دول ومعرفش الناس بتعزمهم إزاي أو بيسمحوا بدخولهم إزاي، فا دي حاجة برضوا مبتبقاش مفهومة».

وتابعت: «مؤخراً أنا لقيت راقصات في الجونة، وده جديد بالنسبة لينا، وأنا بحترم الرقص جدآ وبحبه، ومش بسيء للرقص، بس أنتي بتكلمي عن وجهة أنتي بتقدمي فن فاطبعا اللي هيكونوا موجودين لازم يكون ممثلين منتجين ومخرجين ونجوم عالمية، وفي ناس مينفعش تتواجد».

وأستكملت: «أنا مش بحب الشو وبطبيعتي بسيطة، ورانيا يوسف جريئة طول عمرها ومش بتلبس عشان التريند».

وشاركت منة فضالي في موسم رمضان الماضي 2021 بمسلسل "نسل الأغراب" بطولة: أحمد السقا، أمير كرارة، مي عمر، أحمد مالك، وهو من تأليف وإخراج محمد سامي.