هل ستعود شمس البارودى لتحكى قصة حياتها؟.. إليك الإجابة

قال الفنان عمر حسن يوسف نجل الفنان حسن يوسف و الفنانة شمس البارودي، أنه يستعد لتقديم عمل جديد عن حياة والديه، ويتناول هذا العمل بعض الصور النادرة عن والديهم، وأيضًا يتناول خلال العمل بعض المعلومات عن سندريلا الشاشة سعاد حسني، والفنان رشدي أباظة، وغيرها من القصص عن ذكرياتهم مع الفن.

وتحدث الفنان عمرو حسن يوسف، خلال لقاء مع برنامج إنسيدر، قائلًا: الناس الجاهلة اللي بتعترض على فكرة عودتها للفن، وارتدائها للحجاب.. كل واحد حر يعمل اللي هو عايزه، وأنا كنت بافكر في عمل فني عن حياة والدَي بقالي فترة.

وتابع عمرو حسن يوسف: فكرة العمل الفني جاتلي وإحنا في قعدة عائلية.. قولت دي حاجة لازم تتعمل.. إحنا عندنا بنستنى الناس تموت وتمرض ونعمل عنهم مسلسل.. معندناش معلومات عنه أوي، وبنضطر نعمل حاجة كارتونية، لكن لما يطلع البني آدم نفسه ويتكلم عن حياته بيكون أفضل.

وعن عودة والدته شمس البارودي للأضواء: الفكرة موجودة بقالها شوية.. لسه معرضتش الموضوع على حد، وهيكون في حياتهم حاجات عن قصص سعاد حسني ورشدي أباظة.. الموضوع مش كوميدي، في حاجات مهمة هتتعرض لأني باستخدم صورا حقيقية.

وعن قلة وجود والده الفنان حسن يوسف بالمهرجانات قال: حسن يوسف مش محتاج التكريم، والناس كلها عارفة الموضوع ده.. بتكرم الناس على أي مقاييس؟.. أهم تكريم بالنسبة له هو مهرجان الدولة الرئيسي، وهو ما بيتعزمش على مهرجانات ولا نعلم السبب.