عودة نجل طارق العريان من لبنان بعد مشاجرته مع شيرين أبو العز

كشفت هالة العتال، طليقة المخرج طارق العريان، عن عودة نجلها عمر العريان، من لبنان بعد مشاجرته الأخيرة هناك، ودخوله المستشفى وإجرائه ثلاثة عمليات جراحية بسبب تعرضه لكسور في أماكن متفرقة بجسده.

وكتبت العتال على حسابها الشخصي بـ فيس بوك،: الحمد لله رب العالمين، علي كرمك ولطفك، ألف حمد وشكر، رجوع ابني لمصر وأحب أشكر، مصر الطيران على تعاونها، معنا وحرسها علي سلامه ابني، ده أولًا اما بالنسبة لرفضي الرد على صحفي، هو اهتمامي بعمر أولا، وسفري ليه بعد كام ساعة، وربنا يعلم بحالي ساعتها، ممكن أرد دلوقت.

وتابعت: ابني محترم من عيله بتفهم في الأصول ومتربي علي معامله الناس كلها باحترام وخصوصا المرآة، يعني ابني مضربيش حد علي وشه، ابني كان مع خطيته وصاحبتها وكل مشكلته أنه مارديش يسلم على واحدة في اضايقت أوي وعملت المشكلة، وكان هو لوحده بس.

وأضافت: وفجأة خناقه مع عشر للأسف أني بقول رجاله وهو كان راجل بيدافع عن خطيبته والبنات اللي معاهم لوحده مع عشرة بيتخقانوا معاه وكان حيتقتل، لولا ستر ربنا، حق ابني هيرجع إن شاء الله، وأنا واثقه في القضاء اللبناني، ومعلومة بيحاولوا يعتذرو وكلمو عمر وطارق كتير وعندي المكالمات وعايزين يتصالحوا لأنهم عارفين أن مصيرهم السجن وده استحالة طبعا لأن ابني عمل عمليات.

واستكمل: وده حرام بس أنا بقول حمد لله لأنه طلع راجل وهو معايا أنا وطارق وخطيبته ووسط أهله أصحابه وانشاء الله يتمم شفاءه علي خير، وده أو كلام عن لساني، بعد الهري اللي حصل، وحسبي الله ونعم الوكيل في أي حد اتسبب في أذى لأبني.

وسبق وتصدر اسم عمر العريان نجل المخرج طارق العريان، تريند مواقع التواصل الاجتماعي، بعد تداول فيديو له أثناء مشاجرته في لبنان مع 10 شباب بسبب فتاة كانت معه، وفنانة أخرى شابة تُدعى شيرين أبو العز مصرية وتعيش في لبنان.