السيسي: اتصدى لقضايا الوطن بأمانة بعيدا عن حسابات كرسى الرئاسة

أكد الرئيس عبد الفتاح السيسي أنه عندما تحدث عن سعر رغيف العيش كان يهدف التصدى لقضايا ومشاكل لا يمكن أن تستمر.

وأضاف الرئيس السيسى، خلال كلمته في افتتاح مشروعات سكنية متنوعة في مدينة بدر: "النمو السكانى زاد وقيمة السلعة زادت وحجم المستفيدين زادوا.. فهل ده كلام نقدر نستمر فيه على طول.. وكمان لما نبقى 120 مليون او 150 مليون أنا مش هبقى موجود في الوقت ده.. وأرجو اننا الأمانة اننا نفهم ايه بيحصل.. واتعامل معاه وكأنه حصل.. ولو انا قولت انا مش هكون موجود في الوقت ده وكانت شايف اللى بيحصل للبلد دى بالطريقة اللى ماشيين بها دى.. وربنا يسألنى كنت فاهم وساكت ليه وكنت عاوز استمر على الكرسى.. ربنا هيقولى الكرسى ده اللى جبتك فيه وأنا اللى همشيك منه.. مالك الملك يؤتي الملك من يشاء وينزع الملك ممن يشاء.. محدش بيجيب حد ومحدش بيمشى حد.. طب أنت عملت كده ليه هقوله ايه ساعتها.. الأمانة تقتضى التصدي للمشاكل وحلها.. ودى فرصة أننا نشوف ده".

وقال الرئيس السيسى، أن برنامج الدولة في رفع الكفاءة وتحسين أحوال الناس مستمروالجهد مستمر لأن حجم المطلوب ضخم.