ليلى علوى: أنا مش حلوة وعايزة أدوار أظهر فيها مبهدلة

كشفت الفنانة ليلى علوى، عن أسرار جديدة فى حياتها الشخصية، وعن كواليس آخر أعمالها أعمالها الفنية وهو فيلم "ماما حامل"، مشيرة إلى أنها لا ترى نفسها جميلة، ولا تشغل نفسها بهذا الأمر ولكنها تهتم فقط بماذا ستفعل أو تنجز في حياتها.

واضافت خلال لقائها مع الإعلامية منى الشاذلي ببرنامج معكم: أنا راضية بنفسي جدًا، ودي نعمة من ربنا، ومش شايفة نفسي من الحلوين.

وقالت: مش بركز أو بفكر في الموضوع ده لكن بركز أكون مبسوطة، وبسأل نفسي طب أنا ورايا إيه، طب أنا هنجز إيه، يعني أنا بتضايق لما يقولوا بتشتغل عشان حلوة.

واشارت عن أعمالها الفنية: أنا عايزة أدوار أظهر فيها مبهدلة، ومختلفة وده اللي أنا عملته الحمد لله، عملت شخصيات جديدة بعيدة عن نوعي تمامًا.