ايه اللى دخلك سكة العوالم.. عمر كمال يتعرض لإنتقادات بسبب راقصة.. تفاصيل مثيرة
تعرض مغني المهرجانات عمر كمال لهجوم شرس من قبل جمهوره عبر مواقع التواصل الاجتماعي، بعدما أحيا إحدى الحفلات في الساحل الشمالي مع راقصة، ضمن احتفالات عيد الأضحى، الأمر الذي أزعج جمهوره.
وتلقى عمر كمال، انتقادات واسعة، بعد ظهوره مع راقصة، على خشبة المسرح في الساحل الشمالي، وقالت أحدهم: «هي دي الشهرة اللي كنت عاوزها؟.. حسبي الله ونعم الوكيل.. يا راجل أنت كنت بادئ محترم وكويس.. إيه اللي دخلك سكة العوالم؟.. أخرتها ندم والله.. ياريت تعمل حساب لربنا وأتمنى لك التوفيق والنجاح باحترام».
وكتبت أخرى، على الفيديو الذي نشره عمر كمال، من كواليس الحفل، عبر صفحته الرسمية على موقع التواصل الاجتماعي «فيس بوك»: «الحمد لله الذي عفانا من الأرف ده.. أنتم مش خايفين من يوم ترجعوا فيه لربنا!!»، فيما تساءلت أخرى بقولها: «هو أنت متعرفش تغني من غير رقاصة؟ يعني صوتك مش هيوصل إلا بيها؟».
وقال أحد المتابعين: « يا عم اتقى الله بقى.. هتفضل لحد امتى في دوامة الذنوب دي.. الله يهديك ويصلح حالك شباب في نفس سننا وبتموت.. أعمل حاجه كويسة بحلال ربنا تعرف تقف بيها قدام رب العباد.. لعلها تكون حجة ليك يوم القيامة.. نفسى أعرف لما ربنا هيسألك مالك ده من أين اكتسبته هترد عليه تقوله إيه؟».