ميار الببلاوى تتعرض لانتقادات بعد إصابتها فى قدمها.. اعرف الحكاية

نشرت الفنانة ميار الببلاوى، صور لـ"ضلفة" الدولاب الذي تسبب فى إصابتها فى قدمها، وذلك عبر حسابها على موقع الصور والفيديوهات الشهير "انستحرام"، وحرصت على الرد على العديد من الانتقادات بعد نشرها نبأ إصابتها بقدمها، مما أدى لكسر في 4 أصابع من القدم، بالإضافة إلى خضوعها لعملية إزالة ظفر وإلزامها بالفراش.

وعلقت ميار قائلةً: “للي باعتنلي بيقولوا إنتي كل حاجة تهوليها إيه يعني ضرفة دولاب، طيب دي ضرفة الدولاب أداة الجريمة أمي بتحب الخشب الأرو والأوض العمولة وبتعتز جدًا بيها وبتقول دي بتعيش وملهاش دعوة الموديل اتغير ولا لا المهم ضرفة الدولاب محدش يقدر يشيلها ولا الأدراج ولا حتى ملة السرير والله الضرفه دى النجار بيجيب البواب وواحد كمان علشان يشيلوها".

وتابعت “الببلاوي”: "أنا مبدعيش أنا تعبت من نومة السرير بقالي شهور كل ماقوم يوم أنام شهر مش قادرة اتحرك للي يعرفني يعرف إني أكتف جدا والله نفسي أقوم علشان أمي وإبني ومحدش بيخدم حد ومحدش بيستحمل حد يارب ماتحوجني يارب رضيت بقضائك بس لا أسالك رد القضاء ولكني أسالك اللطف فيه، ويا شمتانين أنا مباذيش حد ولا بغضب ربنا لأي سبب وشماتتكم فيا ربنا عالم بيها حسبي الله ونعم الوكيل".

وعانت ميار الببلاوي في الفترة الأخيرة من عدة أزمات، أبرزها خضوعها لعملية جراحية لإزالة ورم من الرحم.