طلاق شيرين عبد الوهاب من زوجها حسام حبيب بعد فضيحة التسريب الصوتي

تداول رواد مواقع التواصل الإجتماعي أنباء عن انفصال الفنانة شيرين عبد الوهاب وزوجها المطرب حسام حبيب، خاصة بعد فضيحة التسريب الصوتي لوالد زوجها رغم وجود محاولات من بعض المقربين بين العائلتين للصلح بينهما.

وأثار التسريب الصوتي لوالد حسام حبيب ضجة كبيرة على منصات مواقع التواصل، وتسبب في غضب شريحة كبيرة من جمهور ومحبي المطربة شيرين عبد الوهاب بعد تداوله بشكل كبير على السويشال ميديا.

وكان التسريب الصوتي قد كشف عن خطة حسام حبيب للزواج سراً من شيرين عبد الوهاب، من أجل إنجاب أطفال، والتحكم في جميع الحسابات المالية دون الرجوع لها، وأنها شخصية "ملولة" وتطلب الطلاق باستمرار.

وقال حسين حبيب والد حسام حبيب في تصريحات صحفية، إن التسجيل المسرب: "كذب وافتراء، وناس عاوزة تخرب بيوت ناس، الله يخرب بيوتهم، ده مش صوتي".

وتحدث والد حبيب خلال التسجيلات قائلا: "حسام النهارده انت بتدير أعمال شيرين، المفروض يبقى لك نسبة زي اللي ياسر خليل كان بياخدها، انا عارف أن حسام دماغه سم وهو ذكي جدًا ومش سهل، فهو أكيد في دماغه حاجة ومأمن نفسه".

وتابع معترفاً أن ابنه يسرق شيرين فقال: "هي شيرين عملاله توكيل بدليل انه معاه الفيزا أي الكارت فيزا، بتاعتها وبيقدر يسحب من حسابها، وعارف الرقم السري، بس هو بيروح يسحب الفلوس اللي هو عايزها".

كما أكد الأب أن أم حسام تكره شيرين منذ بداية زواجها وقال: "إيمان ام حسام مش بتحب شيرين، ايمان تنكة، وعاملة زي المليونير لما يفلس هي صرفت الفلوس اللي ابوها سابهالها وصرفت فلوس حسام، شيرين عايزة تقولها بتتنكي على اية يا روح امك ده انا عزماكي، وهتسافري على حسابي والفندق على حسابي".

وتابع الأب خلال التسجيلات: "حسام قالها ما يصحش انتي كده بتطردي امي وبتطردي اختي، قالتله بقولك اية انا مش طايقاهم ولا طايقاك انت كمان، قالها طيب انا مسافر، قالتله في ستين داهية وطلقني قبل ما تمشي".

وفضح الأب المؤامرة التي قاموا بها جميعاً لمنع طلاق شيرين من حسام فقال: "المهم سافر خد امه واخته وجه، لقيت شيرين بتطلبني وبتقولي عايزة اطلق لو سمحت خليه يطلقني، عملنا عليها تمثيلية بقى أن انا جبت المأذون وانه كتب خلاص الطلاق بس انا قولتله استنى شوية لحد بس شيرين ما تهدى عشان لما تاخد القرار تاخده وهي هادية، قومنا كام يوم كده وصالحناهم على بعض وخلاص، ايمان مش بتحبها عشان شيرين بلدي، هي اصلا ايمان جدودها من تركيا ومن النمسا، وحسام تعليمه اجنبي لكن شيرين ماعرفش واخدة اية، دبلوم صنايع ولا مش دارسة مش عارف.. ونفسي يبقى عندي حفيد، انا بحب الاطفال جداً بالذات لما يبقى حفيدي، وبعدين نفسي أجيب عيل انا نفسي اخلف انا كمان".

وكشف خطة زواج حسام سراً من فتاة أخرى لأجل الانجاب، بدون علم شيرين، وقال: "ليه حسام ما يتجوزش بالسر مثلا، انا فكرت في خطة حلوة أوي، انا هقوله يجي يتجوز ويخلي مراته عندي، ومايقولش لشيرين ويبقى يجي ينام معاها هنا عندي، هو ساعات بيروح ينام عند امه في الرحاب في التجمع، المهم مرات حسام تقعد معايا هنا، وحسام يبقى رايح جاي من غير ما يقول لشيرين، لما تحمل وتخلف ويبقى عنده عيل فرحان كده بيه عايز يقولها يقولها مايقولهاش هو حر، هو مقتنع بكلامي وهو قالها انه هيتجوز عشان عايز يخلف".

وأضاف: "انا شايف أن هي قضت على حسام، يعني من ساعة ما حسام عرفها مش داريان بنفسه، لا نزل اغنية ولا اشترك في فيلم ولا مسلسل، يعني هي سحبت كل وقته وخدت نجوميته وضافتها على نجوميتها هي، هي داست عليه وطلعت على حسابه هو".

وأكد الأب أن شيرين لا يمكنها الانجاب لتقدمها في السن وقال: "حتى لو مابتخلفش، واحدة خلاص عندها ٣٩ سنة وقربت على ال ٤٠ احتمال الخلف عندها ضعيف وهما بقالهم سنتين اهو ماخلفوش لية، هي سافرت امريكا بس ماقالوش عملوا اية في امريكا، كانت بتعمل رعاية صحية بتعمل تحاليل وبتكشف وبتعمل استشفاء في امريكا أو بيسموها check up بتطمن على نفسها، وهو عمل كمان فحوصات عشان يشوف نفسه الخلفة كويسة والذكورة وكده، طبيعي هو طبيعي الحيوانات المنوية مظبوطة وسليمة، وزي الفل، هو يقدر يخلف".

ولم تكشف شيرين عبد الوهاب حتى الآن حقيقة الأنباء التي تفيد بطلاقها، بعد الخلافات مع زوجها حسام حبيب وعائلته والتي تصاعدت بعد التسريب الصوتي.