اتهامات بالسرقة وزواج في السر.. القصة الكاملة لأزمة شيرين عبد الوهاب وزوجها حسام حبيب
تداول نشطاء مواقع التواصل الاجتماعي تسجيل صوتي انتشر كسرعة البرق لوالد الفنان حسام حبيب يتحدث فيه عن زواج نجله سرا من أجل إنجاب أطفال.
وقال والد حسام حبيب خلال التسجيل المسرب: "حسام انت بتدير أعمال شيرين.. المفروض يبقى لك نسبة زي اللي ياسر خليل كان ييخدها أنا عارف أن حسام دماغه سم وهو ذكي جدا ومش سهل، فأكيد في دماغه حاجة ومأمن نفسه".
وتابع: "هي شيرين عملاله توكيل بدليل أنه معاه الفيزا بتاعتها ويقدر يسحب من حسابها وعارف الرقم السري، هو بيروح يسحب الفلوس اللي هو عايزها".
وأضاف والد حبيب: "إيمان أم حسام مش بتحب شيرين.. إيمان تنكة وعاملة زي المليونير لما يفلس هي صرفت الفلوس اللي أبوها سابهالها وصرفت فلوس حسام، شيرين عايزة تقولها بتتنكي على ايه يا روح أمك ده أنا عزماكي وهتسافري على حسابي والفندق على حسابي".
كما كشف عن خطة نجله في الزواج عرفيا من أجل الإنجاب قائلا: "نفسي يبقى عندي حفيد.. أنا بحب الأطفال جدا بالذات لما يبقى حفيدي، وبعدين نفسي أجيب عيل أنا نفسي أخلف أنا كمان.. ليه حسام ما يتجوزش بالسر مثلا، أنا فكرت في خطة حلوة أوي أنا هقوله يجي يتجوز ويخلي مراته عندي وما يقولش لشيرين، ويجي ينام عندي هو ساعات بيروح ينام عند أمه في الرحاب بالتجمع".
ونفى حسين حبيب والد حسام حبيب التسجيل الصوتي الذي انتشر على السويشال ميديا في تصريح صحفي قال فيه: "كذب وإفتراء والناس عاوزة تخرب بيوت ناس.. الله يخرب بيوتهم ده مش صوتي".
وكانت شيرين عبد الوهاب نفت شائعات انفصالها عن حسام حبيب، حيث أشيع سيطرة زوجها على أموالها مما دفعها إلي الطلاق.
وأهابت شيرين عبد الوهاب وسائل الإعلام بعدم الانسياق وراء كل من يروج الشائعات بالخوض في سيرة نجاح على الصعيدين الفني والإنساني.