أحمد فهمي: ”فنان شهير دشن حملات هجوم على مسلسل رجالة البيت وتسبب في سقوطه”

حل الفنان أحمد فهمي ضيف على برنامج "يوم ليك" الذي تقدمه الإعلامية سمر يسري ويعرض على شاشة قنوات "الحياة" وخلال الحلقة تحدث عن مسلسل "رجالة البيت" الذي عرض على الشاشات في السباق الرمضاني الماضي وقال إنه كانت هناك حملات للهجوم على المسلسل من قِبَل فنان وهو صاحب تلك الحملات، ولكن فهمى رفض ذكر اسمه.

حيث قال فهمي: "رمضان اللي فات حصل مشكلة مع مسلسل رجالة البيت، وأنا ليا حاجات بتنجح وحاجات لا واتعرضت لهجوم كان غريبا وبشكل كبير والهجوم كان قبل عرض العمل، وكانت عليا حملات هجوم كبيرة، وكان صاحب حملات الهجوم دي نجم كبير جدا، ومش بينافسنى وقطعت علاقتي بيه وليس محمد رمضان عشان الناس متقولش أني بتكلم عليه، حد بعيد ومش منافس ليا، وممكن يكون عشان كنت برفض أشتغل معاه في عمل".

وتابع: "أنا بعيش على طبيعتى قبل وبعد دخولى التمثيل، وبحب أكون على طبيعتى دائما، وفيه فنانين بيكونوا مش على طبيعتهم ودول ببعد عنهم، والمرض والفقر كابوس بالنسبة ليا وأكتر حاجتين يكسروا الإنسان".