أحمد السعدني يفتح النار على زينة وفريق عمل ”كله بالحب”: ”بتدخل في تنفيذ البوسترات والدعاية والوضع وصل للمهزلة”
خرج الفنان أحمد السعدني عن صمته ليكشف عن خلافاته مع شركة إنتاج مسلسل "كله بالحب" الذي من المقرر عرضه على الشاشات في السباق الرمضاني لهذا العام موكدًا أن الشركة لم تلتزم بأي اتفاقات بينهما كما انتقد الأوضاع التي يمر بها المسلسل بشكل عام، مؤكدًا أن بطلة العمل زينة تشارك في جميع تفاصيل العمل بما فيها بوسترات المسلسل والمقاطع الدعائية للعمل.
حيث كتب على صفحته الرسمية عبر موقع التواصل الاجتماعي "فيس بوك" قائلًا: "بسم الله الرحمن الرحيم الحقيقة أنا عمري ما عملت مشكله في شغلي وعمري ما اختلفت مع زمايلي انما انا اللي بيحصل معايا في المسلسل اللي شغال فيه ٢٤ ساعه مبروحش بيتنا عشان يلحق العرض والواحد ساكت و بيعدي بلاوي عشان الزنقة و الظروف انا متربي في ستوديوهات كبرنا انا و اللي زيي اللي كان بيتقال عليهم ابناء الفنانين كانها شتيمة علي احترام مهنتنا مواعيدنا و مذاكرتنا و تحضيرنا للشغل احترامنا للكلمه قبل العقد".
وأضاف: "للاسف شركة الانتاج ملتزمتش معايا باتفاقهم اللي علي اساسه وافقت اشتغل وكان شرط اساسي لقبولي الشغل معاهم و الحقيقه اول مره اشوف تصميم دعايه عمل فني من افيشات و برومو بتعمله زميله في العمل طول عمري كنت فاكرها من اختصاص شركة الانتاج الحقيقه انا ضهري في الحيط اكمل و اقبل بالعبث ده عشان باقي الزملا الفنانين والفنيين المشاركين في العمل اللي ملهمش ذنب ولا اقعد في بيتنا واكتفي باللي صورته و اطلب من النقابه تجيبلي حقوقي الماديه وفي كل الاحوال انا بعتذر لاي شخص بيحبني عن تواجدي في هذا العمل لان الحقيقة اللي بيحصل ده مهزله".
يشارك في بطولة مسلسل "كله بالحب" نخبة كبيرة من نجوم الفن منهم بطولة أحمد السعدني وزينه وصابرين وهالة فاخر ومصطفي درويش ومحسن منصور وريم البارودي وسامر المصري، ومن تأليف ورشة أحمد الشخيبي، وإخراج عصام عبد الحميد.